युक्रेनहून भारतात सुखरूप परतलेल्या बरीरा पटेलचे जळगावात सर्वधर्मीय बांधवांनी केले स्वागत

जळगाव : जळगावच्या मेहरुण परीसरातील बरीरा युसुफ पटेल ही विद्यार्थिनी येथील ओझोड विद्यापीठात वैद्यकीय महाविद्यालयात तिसर्‍या वर्षाचे वैद्यकीय शिक्षण घेत आहे मात्र रशिया-युक्रेनदरम्यान सुरू झालेल्या युद्धानंतर तिने कठीण परीस्थितीवर मात करीत देशात सुखरूप परतल्यानंतर जळगावात सर्वधर्मीय बांधवांनी तिचे स्वागत केले.

यांची होती उपस्थिती
भारत सरकारच्या सहाय्याने बरीरा पटेल ही विद्यार्थिनी दिल्लीवरून मुंबई व मुंबईवरून जळगाव येथे बुधवारी राजधानी एक्सप्रेसने रात्री आल्यानंतर जळगाव रेल्वे स्टेशनवर तिचे स्वागत जळगाव जिल्हा मुस्लिम मन्यार बिरादरीचे फारुक शेख, ताहेर शेख, जुलकर नैन, अमरुल्लाह सय्यद, शहा बिरादरीचे अनीस शाह, शेख सय्यद बिरादरीचे समीर शेख व काज़िम सय्यद, खाटीक बिरादरीचे यूसुफ ताहेर खाटीक, तसेच भारतीय जनता पार्टीचे आमदार राजूमामा भोळे, शहराध्यक्ष दीपक सूर्यवंशी, डॉ राधेश्याम चौधरी, नगरसेवक विशाल त्रिपाठी तसेच इकरा महाविद्यालयातील शिक्षकांनी केले

भारत माता की जय घोषणेसह स्वागत
बरीरा पटेल राजधानी एक्सप्रेसने जळगावात आली. यूक्रेन ते जळगाव तिने प्रवास केल्यानंतर तिचे स्वागत जळगावचे आमदार राजू मामा भोळे हे करीत असताना त्यांचे कार्यकर्ते भारत माता की जय, वंदे मातरम अशा घोषणा दिल्या.