युवक महोत्सवात एम.जे.ठरले विजेते

अमळनेरचे प्रताप महाविद्यालय उपविजेते

विविध स्पर्धेतील विजेत्यांना मान्यवरांच्या हस्ते पारितोषिक देऊन सन्मानित

शहादा । कवयित्री बहिणाबाई चौधरी उत्तर महाराष्ट्र विद्यापीठ आणि पूज्य सानेगुरुजी विद्याप्रसारक मंडळाचे कला, वाणिज्य व विज्ञान महाविद्यालय, शहादा यांच्या संयुक्त विद्यमाने आयोजित युवक महोत्सवात जळगावच्या मुळजी जेठा महाविद्यालयाने सर्वसाधारण विजेतेपद तर अमळनेरचे प्रताप महाविद्यालय उपविजेते ठरले आहे. शहादा येथे 16 ते 20 जानेवारी दरम्यान झालेल्या युवक महोत्सवाचा समारोप सोमवारी, 20 रोजी प्रसिध्द मराठी अभिनेत्री प्रार्थना बेहेर यांच्या उपस्थितीत जल्लोषात झाला. महोत्सवाच्या स्पर्धेतील विजेत्यांना मान्यवरांच्या हस्ते पारितोषिक देऊन सन्मानित करण्यात आले. अध्यक्षस्थानी प्र-कुलगुरु प्रा.पी.पी.माहूलीकर होते.

यावेळी प्रमुख पाहुणे म्हणून पूज्य साने गुरुजी विद्याप्रसारक मंडळाचे अध्यक्ष दीपक पाटील, मानद सचिव कमलताई पाटील तसेच व्यवस्थापन परिषद सदस्य दिलीप पाटील, प्रा.नितीन बारी, विवेक लोहार, अधिष्ठाता प्रमोद पवार, युवारंगचे कार्याध्यक्ष दीपक पाटील, प्रभारी कुलसचिव प्रा.बी.व्ही.पवार, संस्थेचे मकरंद पाटील, उपनगराध्यक्षा रेखा चौधरी, प्राचार्य आर.एस.पाटील, जयश्री पाटील, समन्वयक उपप्राचार्य डॉ.एन.के.पटेल, बाजार समितीचे अध्यक्ष सुनील पाटील, ईश्वर पाटील, सातपुडा साखर कारखान्याचे उध्दव पाटील, अधिसभा सदस्य मनिषा चौधरी, दिनेश नाईक, दिनेश खरात, डॉ.सत्यजित साळवे, प्राचार्य डॉ.एन.जे.पाटील, प्राचार्य बी.के.सोनी, प्राचार्य डॉ.एस.पी.पवार, प्राचार्य डॉ.डी.एम.पाटील, प्राचार्य डॉ.पी.एल.पाटील, प्राचार्य जे.आर.पाटील उपस्थित होते.

मेहनतीसह संयम असल्यास कलावंतांना यश
मी गुजरात राज्यात शिकले. डॉक्टर होता आले नाही म्हणून बी.एस्सी. केले. त्यानंतर मुंबईत येऊन वृत्तपत्रविद्येचे पदव्युत्तर शिक्षण घेतले. स्टारच्या हिंदी चॅनलसाठी रिपोर्टींग करतांना अनेक नामांकित कलावंतांच्या मुलाखती घेतल्या. या मुलाखती घेतांना आपण ही दिग्दर्शन करावे असे वाटू लागले. रेणूका शहाणे यांच्या रिटा चित्रपटासाठी सहायक म्हणून काम केले. त्याचवेळी अभिनयाची ऑडीशन दिली. त्यातून ‘पवित्र रिश्ता’ मालिकेसाठी निवड झाली. ‘जय महाराष्ट्र भटिंडा ढाबा’ हा माझा पहिला मराठी चित्रपट. पुढे काही चित्रपट चांगले चालले. या सर्व प्रवासात संयम हा अंगी असणे आवश्यक असल्याचे मी शिकले. कलावंतांमध्ये गुणवत्ता कितीही असली तरी मेहनत आणि संयम असेल तर यश प्राप्त होऊ शकते. महाविद्यालयात शिकतांना कधीही स्टेजवरील कार्यक्रमात सहभागी झाले नाही. चित्रपटात काम करेल असेही कधी वाटले नाही. प्रेक्षकांच्या प्रेमामुळे उर्जा प्राप्त होते आणि कलावंतांसाठी ही ऊर्जा महत्वाची ठरते असल्याचे मत अभिनेत्री प्रार्थना बेहरे यांनी व्यक्त केले. यावेळी त्यांनी तीन/चार विद्यार्थ्यांना स्टेजवर बोलावून त्यांच्यासमवेत सेल्फी काढला. तसेच ‘सावर रे’ या गाण्यावर काही क्षण काजल पाटील व आकाश पाथरवट या विद्यार्थ्यांसोबत परफॉर्मन्स केला. सर्व विद्यार्थ्यांचे व्हिडिओ चित्रण करुन स्टेजवरुन सेल्फी काढला.

कला अकादमीसाठी 1 लाख 11 हजारांची देणगी जाहीर
पाच दिवसात विद्यार्थ्यांनी विविध रंग संस्कृतीची मुक्त उधळण केल्याबद्दल संस्थेचे अध्यक्ष दीपक पाटील यांनी आनंद व्यक्त करुन ही संस्था शेतकर्‍यांच्या मेहनतीवर उभी असल्याचे नमूद केले. महोत्सव म्हणजे स्त्री-पुरुष समतेचे प्रतिक आहे. विद्यापीठाने विद्यार्थ्यांसाठी विविध उपक्रम राबविले आहे. विद्यापीठात कला अकादमी स्थापन करण्यासाठी शासनाकडे प्रस्ताव पाठविला असल्याचे प्र-कुलगुरु प्रा.पी.पी.माहूलीकर यांनी नमूद केले. हाच धागा पकडून संस्थेचे अध्यक्ष दीपक पाटील यांनी विद्यापीठाने शासनाच्या उत्तराची प्रतिक्षा न करता ही अकादमी सुरु करावी, असे सांगून संस्थेच्यावतीने 1 लाख 11 हजार रुपयांची देणगी अकादमीसाठी जाहीर केली.

यावेळी कमलेश महाले, सचिन चौधरी, नमिता पाटील, माधुरी पाटील या विद्यार्थ्यांनी तर संघव्यवस्थापकांच्यावतीने डॉ.एच.पी.खोडके, प्रा.योगीता चौधरी आणि प्रा.उर्मिला वळवी यांनी मनोगत व्यक्त केले. पारितोषिकांचे वाचन डॉ. अविनाश निकम आणि प्रा.यशवंत शिरसाठ यांनी केले. प्रास्ताविक विद्यार्थी विकास विभागाचे संचालक डॉ.सत्यजित साळवे यांनी केले. सुत्रसंचलन डॉ.विजयप्रकाश शर्मा तर उपप्राचार्य डॉ.एन.के.पटेल यांनी आभार मानले.

युवक महोत्सवाचा निकाल असाः
संगीत प्रकारः शास्त्रीय गायनः प्रथम-मुळजी जेठा महाविद्यालय, जळगाव, द्वितीय- जी.एच.रायसोनी इन्स्टीट्युट ऑफ इंजिनिअरिंग अ‍ॅण्ड मॅनेजमेंट,जळगाव, तृतीय- पी.ओ.नाहाटा महाविद्यालय, भुसावळ, शास्त्रीय वादनः (ताल वाद्य)- प्रथम- महात्मा गांधी शिक्षण मंडळाचे कला, वाणिज्य व विज्ञान महाविद्यालय, चोपडा, द्वितीय- एम.जे.कॉलेज, जळगाव, तृतीय- नाहाटा कॉलेज, भुसावळ, शास्त्रीय वादन (सुर वाद्य)-प्रथम- के.सी.ई.चे पदव्युत्तर विज्ञान, तंत्रज्ञान व संशोधन महाविद्यालय, जळगाव, द्वितीय-: चोपडा कॉलेज, तृतीय- एम.जे.कॉलेज, जळगाव, सुगम गायन भारतीय- प्रथम-भौतिकशास्त्र प्रशाळा, कबचौउमवि, द्वितीय- जी.एच.रायसोनी कॉलेज, जळगाव, तृतीय- बी.पी.कला, विज्ञान व वाणिज्य महाविद्यालय, चाळीसगाव, सुगम गायन पाश्चिमात्यः प्रथम- प्रताप कॉलेज, अमळनेर, द्वितीय- चोपडा कॉलेज, तृतीय-एम.जे.कॉलेज, जळगाव, समूह गीत भारतीयः प्रथम-चोपडा कॉलेज, द्वितीय-एम.जे.कॉलेज, जळगाव, तृतीय- प्रताप कॉलेज, अमळनेर, समूह गीत पाश्चिमात्यः प्रथम- चोपडा कॉलेज, द्वितीय- नाहाटा कॉलेज, भुसावळ, तृतीय- एम.जे.कॉलेज, जळगाव, लोक संगीतः प्रथम- चोपडा कॉलेज, द्वितीय- एम.जे.कॉलेज, जळगाव, तृतीय-प्रताप कॉलेज, अमळनेर, भारतीय लोकगीतः प्रथम- चोपडा कॉलेज, द्वितीय-एम.जे.कॉलेज, जळगाव, तृतीय-नाहाटा कॉलेज, भुसावळ, नृत्य समूह लोकनृत्यः प्रथम-एम.जे.कॉलेज, जळगाव, द्वितीय- लोकसेवक मधुकरराव चौधरी समाजकार्य महाविद्यालय, जळगाव, तृतीय- चोपडा कॉलेज, शास्त्रीय नृत्यः प्रथम- प्रताप कॉलेज, अमळनेर, द्वितीय-एम.जे.कॉलेज, जळगाव, तृतीय- शिरीष मधुकरराव चौधरी महाविद्यालय, जळगाव, साहित्य कलाः वक्तृत्वः प्रथम- ए.आर.ए. औषधीनिर्माणशास्त्र महाविद्यालय, धुळे, द्वितीय- एस.एस.मणियार विधी महाविद्यालय, जळगाव, तृतीय- नवापूर कॉलेज, वादविवादः प्रथम- विद्यावर्धिनी कला, वाणिज्य व विज्ञान महाविद्यालय, धुळे, द्वितीय- डॉ.बाबासाहेब आंबेडकर स्मृती विधी महाविद्यालय, धुळे, तृतीय- औषधीनिर्माणशास्त्र महाविद्यालय, शहादा, काव्य वाचनः प्रथम- जीटीपी कॉलेज, नंदुरबार, द्वितीय- विद्यावर्धिनी कॉलेज, धुळे, तृतीय-विधी महाविद्यालय, धुळे, नाट्य कलाः विडंबनः प्रथम- प्रताप कॉलेज, अमळनेर, द्वितीय- नाहटा कॉलेज, भुसावळ, तृतीय-एम.जे. कॉलेज, जळगाव, मूक नाट्यः प्रथम- प्रताप कॉलेज, अमळनेर, द्वितीय-एम.जे. कॉलेज, जळगाव, तृतीय- नाहटा कॉलेज, भुसावळ, मिमिक्रीः प्रथम-शहादा कॉलेज, द्वितीय- डॉ.पी.आर.घोगरे विज्ञान महाविद्यालय, धुळे, तृतीय-नाहटा कॉलेज, भुसावळ, ललित कलाः रांगोळीः प्रथम- प्रताप कॉलेज, अमळनेर, द्वितीय- डी.ई.एस. शिक्षणशास्त्र महाविद्यालय, धुळे, तृतीय- धनाजी नाना महाविद्यालय, फैजपूर, चित्रकलाः प्रथम- औषधीनिर्माणशास्त्र महाविद्यालय, शहादा, द्वितीय- किसान महाविद्यालय, पारोळा, तृतीय- धनाजी नाना महाविद्यालय, फैजपूर, कोलाजः प्रथम- औषधीनिर्माणशास्त्र महाविद्यालय, शहादा, द्वितीय- पूज्य साने गुरुजी, कॉलेज, शहादा, तृतीय- श्रीमती जी.जी.खडसे कॉलेज, मुक्ताईनगर, व्यंगचित्रः प्रथम-प्रताप कॉलेज, अमळनेर, द्वितीय-औषधीनिर्माणशास्त्र कॉलेज, शहादा, तृतीय- एम.जे. कॉलेज, जळगाव, क्ले मॉडलींगः प्रथम- बेंडाळे महिला महाविद्यालय, जळगाव, द्वितीय-एम.जे.कॉलेज, जळगाव, तृतीय- डॉ.बाबासाहेब आंबेडकर स्मृती विधी महाविद्यालय, धुळे, स्पॉट पेन्टींगः प्रथम- एम.जे.कॉलेज, जळगाव, द्वितीय- पूज्य साने गुरुजी कॉलेज, शहादा, तृतीय- किसान महाविद्यालय, पारोळा, फोटोग्राफीः प्रथम-आर.सी.पटेल कॉलेज, शिरपूर, द्वितीय- एम.डी.पालेशा वाणिज्य महाविद्यालय, धुळे, तृतीय- यावल कॉलेज, इन्स्टॉलेशनः प्रथम-प्रताप कॉलेज, अमळनेर, द्वितीय-विधी महाविद्यालय, धुळे, तृतीय-आर.सी.पटेल औषधीनिर्माणशास्त्र महाविद्यालय, शिरपूर, मेंहदीः प्रथम-प्रताप कॉलेज, अमळनेर, द्वितीय-आर.सी.पटेल औषधीनिर्माणशास्त्र महाविद्यालय, शिरपूर, तृतीय- संगणकशास्त्र प्रशाळा, कबचौउमवि, सांस्कृतिक पथसंचलनः प्रथम- नाईक कॉलेज, शहादा, द्वितीय- डी.एन.पटेल अभियांत्रिकी महाविद्यालय, शहादा, तृतीय-गरुड महाविद्यालय, शेंदुर्णी, गटनिहाय विजेतेपदः संगीत गट- चोपडा कॉलेज, नृत्य गट- एम.जे. कॉलेज, जळगाव, साहित्य कला गट- विद्यावर्धिनी कॉलेज, धुळे, नाट्य गट- प्रताप कॉलेज, अमळनेर, ललित कला गट-प्रताप कॉलेज, अमळनेर, सर्वसाधारण विजेतेपदः प्रथम- एम.जे.कॉलेज, जळगाव (डॉ.जी.डी.बेंडाळे स्मृतीचषक), द्वितीय-प्रताप महाविद्यालय, अमळनेर (कै.कुसुमताई मधुकरराव चौधरी स्मृतीचषक)