रशियाकडून शस्त्र खरेदीसाठी भारत अमेरिकेत चर्चा

नवी दिल्ली: रशियाकडून शस्त्र खरेदीसाठी भारत अमेरिकेसोबत चर्चा करु शकते. मॉस्कोकडून सैन्याच्या आदान-प्रदानावर अमेरिकेने बंदी टाकली आहे. पण भारत एस-400 मिसाईल खरेदीसाठी रशियासोबत 40,000 कोटीची ही डील करु शकते. भारत मिसाईल खरेदीसाठी ट्रंप प्रशासनाकडे सूट मागू शकते.

भारत रशियासोबत एस- 400 मिसाईल खरेदीसाठी पुढचं पाऊल उचलू शकते. ही माहिती भारत अमेरिकेला देणार आहे.

सीएएटीएसए कायद्याअंतर्गत डोनाल्ड ट्रंप सरकारने रशियासोबत कोणतेही लष्करी साहित्य खरेदी-विक्रीवर बंदी घातली होती. भारताने देखील रशियाकडून शस्त्र खरेदी करु नये अशी अमेरिकेची भूमिका आहे. अमेरिका आणि भारत यांच्यात लवकरच चर्चा होणार आहे.