राचीच्या तिसर्‍या कसोटीपुर्वी कांगारूंना दुसरा मोठा धक्का
मुंबई । भारत कंगारू यांच्यातील डीआरएस वाद अजुन संपुष्टात आलेला नाही.तोच कंगारू संघाला दुसरा सर्वात मोठ धक्का बसला आहे. कंगारूची वेगवान तोफ मिचेल स्टार्क दुखापतीमुळे उर्वरित कसोटी सामन्यातून बाहेर पडला आहे.वेगवान गोलंदाज स्टार्क यांच्या पायाला गंभीर दुखापत झाली आहे.त्याच्या पायाची स्कॅनिंग केली असता,फ्रॅक्चर आढळून आले.त्यामुळे स्टार्कला मायदेशी परतावे लागणार आहे.भारत आणि कंगारू यांच्यातील तिसर्‍या कसोटीला 16 मार्चपासून रांची येथे सुरुवात होणार आहे. चार सामन्यांची मालिका 1-1 अशी बरोबरीत आहे.
पायाच्या दुखापतीने उचल खाल्ली
कंगारू संघाचा वेगवान गोलंदाज स्टार्कच्या उजव्या पायाच्या दुखापतीने बंगळुरु कसोटीतच उचल खाल्ली होती. मात्र ही दुखापत बरी होईल अशी आशा होती. पण आज सकाळी स्कॅनिंग केली असता, स्कॅनिंगमध्ये उजव्या पायात फ्रॅक्चर आढळले. त्यामुळे आता स्टार्कला विश्रांती घेण्याशिवाय पर्याय नाही, असे संघाचे फिजिओथेरपिस्ट डेव्हिड बेकली यांनी सांगितले.या दुखापतीमुळे स्टार्क मायदेशी रवाना होणार आहे. स्टार्कच्या जागी कुणाला संधी मिळणार हे अद्याप ऑस्ट्रेलियन संघाने जाहीर केलेले नाही. स्टार्कच्या जागी जॅक्सन बर्डला बढती मिळण्याची शक्यता आहे.
मार्शची अष्टपैलू कामगीरी
कंगारू संघाला यापूर्वी अष्टपैलू मिचेल मार्शलाही दुखापतीमुळे उर्वरित कसोटीतून माघारी घेतली आहे . त्यानंतर आता स्टार्कचाही नंबर लागला आहे.कंगारू संघाला हे दोन मोठे धक्के लागले आहे.मिचेल स्टार्कने या कसोटीत मालिकेत अष्टपैलू कामगिरी केली आहे. भारतीय फलंदाजांना त्याच्या गोलंदाजीची धडकी भरवली होती. पुणे कसोटीत ऑस्ट्रेलियाला गरज असताना अर्धशतक झळकावून, विजयात मोलाचा वाटा उचलला होता.पुणे कसोटीत स्टार्कने पहिल्या डावात 61, तर दुसर्‍या डावात 31 धावा केल्या होत्या. तर त्याने दोन विकेट्सही घेतल्या होत्या.याशिवाय बंगळुरु कसोटीत स्टार्कने 3 विकेट घेतल्या होत्या.