राज्यवर्धन राठोड यांच्याविरोधात कॉंग्रेसकडून ऑलिम्पिक खेळाडू कृष्णा पुनिया !

जयपूर-काँग्रेसने ऑलिम्पिक खेळाडू कृष्णा पुनियाला जयपूर ग्रामीण लोकसभा मतदारसंघातून उमेदवारी दिली आहे. कृष्णा पुनियाची थेट लढत विद्यमान केंद्रीय मंत्री राज्यवर्धन राठोड यांच्याशी होणार आहे. कृष्णा पुनियाने ऑलिम्पिक स्पर्धांमध्ये थाळीफेक प्रकारात भारताचे प्रतिनिधीत्व केले आहे. आगामी लोकसभा निवडणुकीसाठी काँग्रेसने आतापर्यंत ३२५ उमेदवारांची नावे जाहीर केली आहे त्यात त्यांचा समावेश आहे.

कृष्णा पुनिया सध्या राजस्थानच्या सादुलपूर विधानसभा मतदारसंघातून आमदार आहे. ऑलिम्पिक पदक विजेते राज्यवर्धन राठोड केंद्र सरकारमध्ये माहिती आणि प्रसारणमंत्री आहेत. राज्यवर्धन राठोड जयपूर ग्रामीणचे खासदार आहेत.