राज्यातील 30 पोलीस उपअधीक्षकांच्या बदल्या

खान्देशातील अधिकार्‍यांचा समावेश

भुसावळ – राज्यातील 30 पोलीस उपअधीक्षक, सहाय्यक पोलीस आयुक्तांच्या बदल्या झाल्या असून त्यात जळगाव, धुळे व नंदुरबार जिल्ह्यातील अधिकार्‍यांचा समावेश आहे. राज्याचे गृहविभागाचे उपसचिव कैलास गायकवाड यांनी 30 रोजी सायंकाळी हे आदेश काढले. धुळे शहर उपविभागाचे उपअधीक्षक हिंमत हिंदूराव जाधव यांची परभणी मुख्यालयात बदली झाली आहे.

त्यांच्या जागी अमरावती ग्रामीण उपअधीक्षक सचिन प्रकाश हिरे हे बदलून येत आहेत. चाळीसगाव उपविभागाचे अधिकारी अरविंद पाटील यांची समाज कल्याण विभागातील जात पडताळणी विभागात प्रतिनियुक्तीने बदली झाली आहे. धुळे आर्थिक गुन्हे शाखेचे उपअधीक्षक श्रीकांत घुमरे यांची साक्री, जि. धुळे उपविभागीय पोलीस अधिकारी म्हणून बदली झाली आहे.