रात्री झोप लागत नाही तर फक्त 10 रुपयात कारण शोधा!

मुंबई । नीद्रानाश हा शरीरांच्या अनेक व्याधींना निमंत्रण देणारा आजार आहे. दिवसभर धावपळ करुनही आपल्यापैकी अनेकांना शांत झोप लागत नाही. हळूहळू हा विकार इतका बळावतो की औषधे घेऊनही उपयोग होत नाही. मात्र निद्रानाशावर रामबाण ठरणारी थेरपी मुंबईतल्या कुपर रुग्णालयात सुरू करण्यात आली आहे. झोप मिळत नसल्यामुळे आरोग्याचे गणित बिघडले आहे का? किंवा घोरण्याच्या सवयीमुळे तुम्ही दुसर्‍याचीही झोप मोडता का? जर तुम्ही यापैकी एकाही समस्येने त्रस्त असाल, तर तुम्हाला मुंबईतले कूपर रुग्णालय गाठायलाच हवे.

रूग्णांना अद्यावत आणि हायटेक थेरपी दिली जाणार
या रुग्णालयातल्या स्लीप लॅबमध्ये निद्रानाशेचे थेट कारण शोधणारी यंत्रणा कार्यान्वित करण्यात आली आहे. आणि त्या थेरपीचे नाव आहे स्लीप ऍप्निया थेरपी. काय आहे स्लीप एप्निया थेरपी? या थेरपीसाठी खास कूपर रुग्णालयात स्लीप रूम तयार केली आहे. या थेरपीमध्ये रुग्णाला 7-8 तास स्लिप रूम मध्ये झोपवले जाते. त्याला मशीनद्वारे त्याच्या प्रत्येक गोष्टीचे चेक अप केले जाते. यामध्ये ह्रदयाचे ठोके, श्वसन, फॅट या सगळ्या गोष्टींचे चेक-अप केल्यानंतर सॉफ्टवेअरचा उपयोग करून रुग्णाला नेमका कशामुळे निद्रानाशाचा त्रास होतो याचे निवारण केले जाते. त्यानंतर त्याच्यावर औषध आणि इतर ट्रीटमेंट देऊन उपचार केले जातात.

दिवसेंदिवस संख्या वाढतेय
एवढ्या स्वस्तात स्लीप ऍप्निया थेरपी मिळत असल्यामुळे रुग्ण देखील या सेवेचा मोठा लाभ घेत आहेत. निद्रानाशाने ग्रासलेल्यांची संख्या दिवसेंदिवस वाढत चालली आहे. तसेच निद्रानाश अनेक आजारांना जन्माला घालणारा विकार आहे.

पैशाच्या समस्येने चिंता करू नका
निद्रानाश नेमका कशामुळे झालाय, याचे ठोस कारण समजल्याशिवाय त्यावर उपचार करणेही कठीण होऊन बसते. पण आता स्लीप ऍप्निया थेरपीमुळे या समस्येवर रामबाण उपाय सापडला आहे. जर तुमची झोप हरवली असेल, तर स्लीप ऍप्निया थेरपीद्वारे ती परत मिळवू शकता.मुख्य करून स्थूलपणा, रात्री घोरणे ,श्वसनाचा त्रास यामुळे निद्रानाशाचा त्रास रुग्णाला जाणवतो, असे डॉक्टरांचे म्हणणे आहे. आता या अद्यावत आणि हायटेक थेरपीसाठी मोठी रक्कम मोजीव लागणार या समस्येने तुमची झोप उडाली असेल. तर चिंता करू नका.