रायगड जिल्ह्यातील बीएसएनएल सेवा महिनाभरापासून कोलमडली

अलिबाग । गेल्या महिनाभरासून रायगड जिल्ह्यातील बीएसएनएल ब्रॉडबॅण्ड व मोबाइल सेवा पुरती कोलमडली आहे. मुंबई-गोवा महामार्गाच्या चौपदरीकरणाच्या कामादरम्यान केबलला ड्रॅप अला असल्याने अलिबाग, मुरुड, म्हसळा सर्कलमधील ब्रॉडबॅण्ड आणि मोबाइल सेवा पूर्णपणे बंद पडली आहे. त्यामुळे जिल्ह्यातील बहुतांशी सर्वच बँकांचे बँकिंग व्यवहार ठप्प झाले आहेत. नागरिकांचे कॅश ट्रान्सजॅक्शन ही होत नगसल्याने नागरीक सध्या मेटाकूटीस आले आहेत. मुंबई-गोवा महामार्गाच्या चौपदरीकरणाचे काम सध्या सुरू आहे. या चौपदरीकरणाच्या कामादरम्यान पेण तालुक्यातील वडखळजवळ बीएसएनएलची केबलला ड्रॅप लागल्याने अलिबाग सर्कलमधील बीएसएनएल यंत्रणा ठप्प झाली आहे. भारत सरकार आज डिजिटल इंडिया सारखे नवनवीन उपक्रम राबवत आहे. मात्र, या उपक्रमांसाठी इंटरनेट ही अत्यावश्यक सेवा आहे. मात्र, भारत सरकारचा उपक्रम असलेला भारत दुरसंचार लिमिटेडने नागरिकांच्या डोळ्यात पाणी आणले आहे.

नेटवर्क नसल्यामुळे कोरबँकिंग आणि एटीएम सेवा बाधित
यात बीएसएनएलची ब्रॉडबॅण्ड सेवा, एसटीडी सेवा आणि मोबाइल सेवेचाही समावेश आहे. अलिबाग सर्कलमधील मुरुड आणि म्हसळ्याच्या बीएसएनएल सेवाही यामुळे बाधित झाली आहे. बीएसएनएल सेवेचा बोजवारा उडाल्यामुळे जिल्ह्यातील बहुतांशी सर्वच बँकांचे व्यवहार अडचणीत आले आहे. नेटवर्क नसल्यामुळे कोरबँकिंग आणि एटीएम सेवा बाधित झाल्या आहेत. त्यामुळे ग्राहक आणि ठेवीदारांचे मोठे नुकसान झाले आहे, तर सरकारी कार्यालयांमधील ब्रॉडबॅण्ड सेवा बंद असल्याने या कार्यालयातील कामेही विस्कळीत झाली होती.

कॅशलेसला इंटरनेचे ग्रहण
गेले पंधरा दिवस बीएसएनल सेवा कोलमडल्याने बँकेचे व पोष्टाचे व्यवहार हि कोलमडून पडले आहेत. इंटनेटच्या अभावाने नागरीकांना एटीएम मधून पैसे काढणे अशक्य झाले आहे. त्यामुळे त्यांना मुलभूत सोयी सुविधांपासून हि वंचीत रहावे लागले. याबरोबरच आता कॅशलेसला सतत गायब होणाया इंटरनेचे ग्रहण लागले आहे. दरम्यान सतत बीएसएनएल सेवा चकवा देत असल्याने बीएसएनएल प्रशानाशी संपर्क साधाला असता केबल दुरुस्तीचे काम तातडीने हाती घेण्यात आले असून लवकरात लवकर ही सेवा सुरळीत होईल असा विश्वास बीएसएनएल अधिकार्‍यांनी व्यक्त केला आहे. मात्र गेले अनेक दिवसांपासून काम सुरू नसल्याचे समजते.