रावेरात 15 किलो प्लॅस्टीक जप्त : धडक कारवाईने खळबळ

रावेर : रावेर पालिकेतर्फे प्लॅस्टीक विक्री करणार्‍यांविरोधात धडक मोहिम उघडण्यात आली असून सोमवारी पथकाने पुन्हा 15 किलो प्लॅस्टीक जप्त करीत पंधरा हजाराचा दंड वसुल करण्यात आल्याने प्लॅस्टीक विक्री करणार्‍यांमध्ये एकच खळबळ उडाली आहे. राज्यात प्लॅस्टीक बंदी असलीतरी शहरातील काही दुकानांमध्ये चोरुन प्लॅस्टीक विक्री होत असल्याची माहिती नगरपालिकेला मिळाल्यानंतर सोमवारी कारवाई केली.

यांच्या पथकाने केली कारवाई
मुख्याधिकारी रवींद्र लांडे यांच्या मार्गदर्शनाखाली एस.के.तडवी, धोंडू वाणी, एस.एस.काळे, पांडुरंग महाजन, प्रमोद चौधरी, अतुल चौधरी, शेख जावेद, मयूर तोंडे, अशोक महाजन, शांताराम पाटील, यूसुफ खान, अशोक महाजन, विजय महाजन, तुलसीदास जावे यांच्या पथकाने शहरातील स्टेशन रोडवरील सत्यम प्लॅस्टीक, श्रीकृष्ण डेअरी, तसेच शिवशक्ती आईस्क्रीम या दुकानातून 15 किलो प्लॅस्टीक जप्त केले. तिघांकडून प्रत्येकी पाच हजारांचा दंड वसुल करण्यात आला तसेच त्या दुकानदारांना सिंगल यूज प्लॅस्टीक न वापरण्याबाबत मार्गदर्शन करण्यात आले. रावेर शहरात शासनाने नेमून दिलेल्या कालावधीत कारवाई सतत सुरू राहणार असून नागरीकांनी प्रतिबंधक असलेले प्लॅस्टीक वापरू नये, असे आवाहन पालिकेचे मुख्यधिकारी रविंद्र लांडे यांनी केले आहे.