रावेर कृउबा सभापतींसह उपसभापतींनी दिला राजीनामा

रावेर : कृषी उत्पन्न बाजार समितीचे सभापती व उपसभापतींनी सोमवारी राजीनामा दिले आहेत. ठरल्याप्रमाणे हे राजीनामा देण्यात आल्याचे सूत्रांनी सांगितले. रावेर कृषी उत्पन्न बाजार समितीची सभा सोमवारी झाली. प्रसंगी विविध विषयांवर चर्चा करण्यात आली.

उपसभापती प्रमोद धनके यांनी आपल्या पदाचा राजीनामा सभापती यांच्याकडे सादर केला तर सभापती डॉ.राजेंद्र पाटील यांनी आपला राजीनामा जिल्हा निबंधकांकडे दिला आहे. प्रसंगी कृउबा संचालक पितांबर पाटील, नीळकंठ चौधरी, दिलीप पाटील, गोपाळ नेमाडे, योगेश पाटील, श्रीकांत महाजन, गोंडू महाजन, प्रमिला पाटील, जनाबाई महाजन कैलास सरोदे, विनोद पाटील, कल्पना पाटील आदी संचालक उपस्थित होते.