रावेर परिसरात तिसर्‍या रेल्वे मार्गाचे करण्यात आले सर्वेक्षण
भुसावळ । भुसावळ विभागात येणार्‍या तिसर्‍या व चौथ्या रेल्वे मार्गाच्या कामाला गती मिळाली असून मध्य रेल्वेच्या भुसावळ ते इटारसी दरम्यान 306 कि.मी. अंतरावरील मंजूर झालेल्या तिसर्‍या व चौथ्या रेल्वेमागार्चे सर्वेक्षण कानपूर येथील प्रिनव जीआयएस टेक्नॉलॉजीस प्रा.लि.या कंपनीच्या चार ते पाच पथकाकडून प्राथमिक सर्वेक्षणाची मोहीम सुरू झाली आहे. आगामी दोन ते अडीच महिन्यात या सर्वेेक्षणाचा अहवाल मध्य रेल्वेकडे सादर करण्यात येणार असल्याची माहिती सूत्रांनी दिली. कानपूर येथील प्रिणव जीआयएस टेक्नॉलॉजीस प्रा.लि.या कंपनीने इटारसी ते भुसावळ या 306 कि.मी.अंतरावरील रेल्वे मार्गाचे तिसर्‍या व चौथ्या रेल्वे लाईनकरीता चार ते पाच पथकांद्वारे अप व डाउन बाजूने प्राथमिक सव्रेक्षण सुरू केले आहे. येत्या दोन ते अडीच महिन्यात या सव्रेक्षणाचा अहवाल सादर केला जाणार आहे. त्यानंतर तिसर्‍या व चौथ्या रेल्वेमार्गाची स्थळ निश्‍चिती होईल. वेळप्रसंगी पुन्हा अंतिम सर्वेेक्षणाची मोहीम राबवली जावू शकते. सुरूवातीला तिसर्‍या रेल्वेमार्गाला प्राधान्य देण्याची शक्यता असल्याचे सर्वेेक्षण करणारे भौमिक कौशिक यांनी वर्तविली आहे.