राष्ट्रवादीचे नेते एबी फॉर्म घेऊन माझ्याकडे आले होते; खडसेंचा गौप्यस्फोट

जळगाव : भाजपचे ज्येष्ठ नेते माजी मंत्री एकनाथराव खडसे यांना यंदाच्या विधानसभेसाठी उमेदवारी नाकारण्यात आली आहे. अनेक नाट्यमय घडामोडीनंतर त्यांच्या मुलीला उमेदवारी देण्यात आली आहे. या काळात खडसे राष्ट्रवादीकडून विधानसभा लढविणार असल्याचे बोलले जात होते. मात्र खडसे यांनी मी भाजपातच राहणार असल्याचे सांगत चर्चेला पूर्ण विराम लावला. दरम्यान आता पुन्हा खडसे यांनी मला राष्ट्रवादी काँग्रेसकडून उमेदवारी देण्याबाबत ऑफर होती, तसेच विरोधी पक्षनेते पदाची देखील ऑफर होती असा गौप्यस्फोट यांनी केला आहे. शिवाय, राष्ट्रवादीचे नेते एबी फॉर्म घेऊन उमेदवारीसाठी घरी आल्याचा खुलासाही खडसेंनी केला.

आपल्यावर अन्याय झाला हे खरे आहे, त्यासाठी माझा गुन्हा काय हे मी पक्षाला विचारणा करणार असल्याचेही खडसे म्हणाले.