राष्ट्रीय अजिंक्यपद कॅरम स्पर्धेत तामीळनाडूच्या कझीमा, रथिका यांना अजिंक्यपद

मुंबई । एम.कझीमा आणि आर. रथिका या तमिळनाडूच्या खेळाडूंनी एलआयसी ऑफ इंडिया प्रायोजित 44 व्या सब-ज्युनियर राष्ट्रीय व आंतरराज्य कॅरम अजिंक्यपद स्पर्धेत मुलींच्या कॅडेट व सब-ज्युनियर एकेरी गटाचे जेतेपद मिळवले. अखिल भारतीय कॅरम फेडरेशन यांच्या मान्यतेखाली व महाराष्ट्र कॅरम असोसिएशनतर्फे ही स्पर्धा आयोजित करण्यात आली आहे. मुलींच्या कॅडेट गटातील अंतिम सामन्यात 12 वर्षीय एम. कझीमाने आपल्याच राज्याच्या एस. अबीरामीचा 21-0, 21-0 असा सरळ गेममध्ये पराभव केला.मुलींच्या सब-ज्युनियर गटातील एकेरीच्या सामन्यामध्ये 14 वर्षांच्या रथिकाने महाराष्ट्रच्या श्रुती सोनावणेचा 15-2, 20-2 असा पराभव केला. महाराष्ट्राच्या निलांश चिपळूणकर आणि ओम तावरे यांना अनुक्रमे मुलांच्या कॅडेट व सब-ज्युनियर एकेरीच्या अंतिम सामन्यात उत्तरप्रदेशच्या कृषदयाल यादव आणि मोहम्मद अरीब यांच्याकडून पराभवाचा सामना करावा लागला.

मुलांच्या कॅडेट गटातील अंतिम सामन्यात कृष्णदयाल यादवने निलांशला 21-2, 8-14, 21-7 असे पराभूत केले. तर, सब-ज्युनियर गटातील अंतिम सामन्यात देखील चुरस पहायला मिळाली.मोहम्मद अरीबने ओम तावरेला 9-7, 13-18, 21-0 असे नमविले. मुलींच्या कॅडेट गटातील तिस-या स्थानासाठीच्या सामन्यात ऋषिता केशरी (उत्तरप्रदेश) हिने सौम्या यादवला (उत्तरप्रदेश) 4-16, 19-0, 17-2 असे नमविले. तर, मुलांच्या कॅडेट गटात सुरज गायकवाडने जॉनथन बोनलला 16-10, 20-6 असे पराभूत केले. सब-ज्युनियर गटातील तिस-या स्थानासाठीच्या मुलींच्या गटात मंताशा इकबालने (उत्तरप्रदेश) ए.रिथिकाला (तमिळनाडू) 21-8, 17-0 असे नमविले. तर, मुलांच्या विभागात वाकीब इकबाल हुसैन (आसाम) याने आर. संदीप (तमिळनाडू) याचा 15-10, 10-16, 17-12 असा पराभव केला.

अंतिम निकाल : कॅडेट मुली एकेरी : अंतिम सामना : एम. खझिमा (तमिळनाडू) वि. वि. एस. अबीरामी ( तमिळनाडू) 21-0, 21-0, तिसरे स्थान : ऋषीता केशरी (उत्तरप्रदेश) वि वि सौम्या यादव (उत्तरप्रदेश)4-16, 19-0, 17-2, उपांत्यफेरी : एम. खझिमा (तमिळनाडू) वि. वि. सौम्या यादव (उत्तरप्रदेश)19-4, 21-0;एस. अबीरामी ( तमिळनाडू) वि. वि.ऋषीता केशरी (उत्तरप्रदेश)18-6, 21-4- कॅडेट मुले एकेरी – अंतिम सामना : कृष्णदयाल यादव (उत्तरप्रदेश) वि. वि. निलांश चिपळूणकर (महाराष्ट्र) 21-2, 8-14, 21-7, तिसरे स्थान : सूरज गायकवाड वि. वि. जॉनथन बोनल (महाराष्ट्र)16-10, 20-6. उपांत्यफेरी : कृष्णदयाल यादव (उत्तरप्रदेश) वि. वि.सूरज गायकवाड 9-8, 21-5, निलांश चिपळूणकर (महाराष्ट्र) वि. वि.जॉनथन बोनल (महाराष्ट्र) 21-5, 21-7. सब ज्युनियर मुली एकेरी : अंतिम सामना : आर. रथीका ( तमिळनाडू) वि. वि. श्रुती सोनवणे (महाराष्ट्र) 15-2, 20-2, तिसरे स्थान : मंताशा इकबाल (उत्तरप्रदेश) वि. वि. ए. रीथीका (तमिळनाडू) 21-8, 17-0,उपांत्यफेरी : आर. रथीका ( तमिळनाडू) वि. वि.मंताशा इकबाल (उत्तरप्रदेश) 7-12, 16-6, 14-9, श्रुती सोनवणे (महाराष्ट्र) वि. वि.ए. रीथीका (तमिळनाडू)19-14, 21-0. सब ज्युनियर मुले एकेरी