राष्ट्रीय सेवा योजना स्वयंसेवकांचा सन्मान

जळगाव । उत्तर महाराष्ट्र विद्यापीठाच्या विद्यार्थी कल्याण विभागातर्फे कॅशलेस सोसायटी निर्माण करण्यासाठी जनजागृती करणार्‍या आठ रासेयो स्वयंसेवकांना पुरस्कार जाहीर करण्यात आले आहेत. केंद्र शासन व महाराष्ट्र शासनाच्या आदेशानुसार संपूर्ण राज्यात कॅशलेस व्यवहारांना चालना मिळावी तसेच या धोरणाच्या अनुषंगाने राज्यातील विद्यापीठ, महाविद्यालये यामधील राष्ट्रीय सेवा योजनेचे कार्यक्रम अधिकारी, समन्वयक, स्वयंमसेवकांना या उपक्रमामध्ये सहभागी होण्याचे आवाहन करण्यात आले होते. उत्तर महाराष्ट्र विद्यापीठाच्या कार्यक्षेत्रातील महाविद्यालये व परिसंस्थामधील रासेयांच्या विद्यार्थ्यांसाठी रोकड रहित महाराष्ट्राचे विद्यापीठस्तरीय सर्वोत्कृष्ट स्वयंसेवक पुरस्कार योजना राबविण्यात आली.

विद्यापीठातर्फे यासंदर्भात प्रस्ताव मागविण्यात आले होते. शहरी भागातील सहा व ग्रामीण भागातील दोन विद्याथ्र्यांना रोकडरहित महाराष्ट्राचे विद्यापीठस्तरीय पुरस्कार जाहीर करण्यात आले आहेत. 500 रुपये, स्मृतीचिन्ह व प्रमाणपत्र असे पुरस्काराचे स्वरुप राहणार आहे. विद्यापीठाच्या कार्यक्रमात हे पुरस्कार दिले जाणार आहेत. शहरी भाग- रंजितसिंग राजपूत (डी.एन.भोळे महाविद्यालय, भुसावळ), राजनंदिनी भदाणे (एस.एस.व्ही.पी.एस.चे डॉ.पी.आर.घोगरे विज्ञान महाविद्यालय, धुळे), योगिता गिरासे (पीएसजीव्हीपीएसचे कला,वाणिज्य व विज्ञान महाविद्यालय शहादा), कुणाल मानकर व गौरव कोळी (धनाजी नाना महाविद्यालय फैजपूर), आकाश धनगर (ज.जि.म.वि.प्र.सह.समाजाचे कला,वाणिज्य व विज्ञान महा.जळगाव), ग्रामीण भाग- मयुर चव्हाण आणि महावीर वाघ (उत्तमराव पाटील कला व विज्ञान महा.दहिवेल,ता.साक्री)