रिंगरोडवर कारला दुचाकीची धडक

जळगाव –शहरातील रिंगरोडवरील जेडीसीसी बँकेजवळील वळणावर दुचाकीस्वार बुधवारी कारच्या मागील बाजूवर धडकला. अपघातात कारचे नुकसान झाले असून दुचाकीस्वार किरकोळ जखमी झाला आहे.पोलिसांनी घटनास्थळी धाव घेवून दोन्ही वाहने जिल्हापेठ पोलिसात आणली होती.

भुसावळ येथील जुना सातारा भागातील नगरसेवक मुकेश पाटील हे त्यांच्या कुटुंबियांसोबत चारचाकी क्रमांक एमएच.19.बीयु.8 क्रमांकाच्या इनोव्हा कारने रिंगरोडवरुन दुपारच्या सुमारास जात होते. जेडीसीसी बँकेच्या वळणावर मागून भरधाव वेगात आलेल्या दुचाकी क्रमांक एमएच.19.सीएस.4656 वरील चालकाने कारला मागून धडक दिली. दुचाकीच्या धडकेने कारची मागील काच फुटली होती. या अपघाताच्या घटनेमुळे चौकात गर्दी झाली होती.