रिंग’ करणार्‍या ठेकेदारांना  काळ्या यादीत टाका – भापकर

पिंपरी-चिंचवड : महापालिकेतील प्रत्येक विकासकामाच्या निविदेत ‘रिंग’ होत आहे. सत्ताधारी भाजप पदाधिकारी, प्रशासन आणि ठेकेदार संगनमताने ‘रिंग’ करुन करदात्या जनतेच्या पैशांची लूट करत आहेत. गेल्या दोन महिन्यात स्थापत्य विषयक बारा कामे वाढीव दराने दिल्याने महापालिकेला सुमारे पंचवीस कोटींचा भुर्दंड सोसावा लागला आहे. स्थापत्यविषयक कामांना मोजकेच ठेकेदार निविदा भरतात. रिंग करुन त्यांच्यापैकी एकाला आळीपाळीने काम मिळत आहे. त्यामुळे रिंग करणार्‍या ठेकेदारांना काळ्या यादीत टाकण्यात यावे, अशी मागणी सामाजिक कार्यकर्ते मारुती भापकर यांनी केली आहे.

सत्ताधा-यांच्या संबंधित ठेकेदारांचीच चलती आहे. सत्ताधारी, प्रशासन आणि ठेकेदारांची रिंग असल्याने जनतेच्या पैशांची लूट होत आहे. गेल्या दोन महिन्यात स्थापत्यविषयक बारा कामे वाढीव दराने दिल्याने महापालिकेला सुमारे पंचवीस कोटींचा भुर्दंड सोसावा लागला आहे. स्थापत्यविषयक कामांना मोजकेच ठेकेदार निविदा भरतात. रिंग करुन त्यांच्यापैकी एकाला आळीपाळीने काम मिळत आहे. संतपीठासह विविध कामांमध्ये रिंग झाले आहे. त्यामुळे संबंधित याविषयाच्या निविदा रद्द करुन फेर निविदा मागव्यात. रिंग करणा-या सर्व ठेकेदारांना काळ्या यादीत टाकण्यात यावे, अशी मागणी करण्यात आली आहे. याबाबत महापालिका आयुक्त श्रावण हर्डीकर यांना निवेदन देण्यात आले आहे.