रेल्वेखाली चिरडले गेल्याने दोघांचा मृत्यू

भुसावळ– तालुक्यातील सुसरी शिवारात रेल्वेखाली आल्याने पावरा समाजातील दोघांचा जागीच करुण अंत झाला. गुरुवारी सकाळी ही घटना उघडकीस आली.

गणेश भुरा पावरा (30, रा.किर्‍या, बैजपूर, जि.खरगोन) व सुरपाल उर्फ टक्ल्या अनसिंग पावरा (30, आंबापाणी, ता.यावल) अशी मयतांची नावे आहे. घटनेचे वृत्त कळताच वरणगावचे सहाय्यक पोलीस निरीक्षक जगदीश परदेशी व नाईक संदीप बडगे यांनी धाव घेत पंचनामा केला. दोघाही मयतांनी मद्य सेवन केल्याने ही घटना घडली असल्याचा अंदाज वर्तवला जात आहे. वरणगाव पोलिसात या प्रकरणी अकस्मात मृत्यूची नोंद करण्यात आली.