रेल्वेखाली येवून अनोळखी पुरूषाचा मृत्यू

जळगाव। रेल्वेखाली येवून अनोळखी पुरूषाचा मृत्यू झाल्याची घटना शुक्रवारी सकाळी 11.10 वाजेच्या पुर्वी चौघुले प्लॉट परिसरातील रेल्वे लाईनवर घडली असून याप्रकरणी शनिपेठ पोलिस ठाण्यात अकस्मात मृत्यूची नोंद करण्यात आली आहे. दरम्यान, मृतदेहाची अद्याप ओळख पटलेली नाही.

चौघुले प्लॉट परिसरातील रेल्वे रूळावरील अपलाईनवरील खांबा क्रं. 420/32 ते 421/2 दरम्यान रेल्वेखाली येवून मृत झालेल्या अंदाजे 35 वर्षीय अनोळखी पुरूषाचा मृतदेह शुक्रवारी सकाळी 11.10 वाजेच्या सुमारास पोलिसांना मिळून आला. याप्रकरणी स्टेशन मास्टर एम.के.वर्मा यांच्या खबरीवरून शनिपेठ पोलिस ठाण्यात अकस्मात मृत्यूची नोंद करण्यात आली आहे. तर पुढील तपास नरेश सपकाळे हे करीत असून मृत पुरूषाची ओळख अद्याप पटलेली नाही. तर संबंधीत व्यक्तींच्या नातेवाईकांनी पोलिसांशी संपर्क साधण्याचे आवाहन केले आहे.