रेल्वेच्या आरओएच डेपोतील चोरी प्रकरण ; दोघा आरोपींची जामिनावर सुटका

भुसावळ- रेल्वेच्या आरओएच शेडमधील लोखंडी पार्टची चोरी केल्याप्रकरणी रेल्वे गँगमनसह अन्य एकास अटक करण्यात आली होती. आरोपींना सुरुवातीला तीन दिवस आरपीएफ कोठडी सुनावल्यानंतर पुन्हा तीन दिवसांची कोठडी सुनावण्यात आली होती तर सोमवारी आरोपींना रेल्वे न्यायालयात हजर केले असता त्यांची जामिनावर सुटका करण्यात आली. गेल्या आठवड्यातील गुरूवारी रात्री 1.30 वाजता यार्डातून जाणार्‍या विना क्रमांकाच्या गाडीवरून गँगमन नरेश बाबुराव गढवे व त्याचा साथीदार मोनू पांडे यांना आरपीएफने अटक करीत त्यांच्याकडून एक हजार 600 रुपये किंमतीचा लोखंडी पार्ट जप्त केला होता शिवाय आरोपींनी गत आठवड्यात चोरी केल्याची कबुली देत चोरीतील लोखंड हे शहरातील आशिक खान यांच्या भंगारच्या दुकानात विकल्याचे सांगितले होते. सहा दिवसांची कोठडी संपल्यानंतर आरोपींना सोमवारी न्यायालयात हजर केले असता त्यांची जामिनावर सुटका करण्यात आली. तपास आरपीएफ निरीक्षक ज्ञानेश्वर पाटील, उपनिरीक्षक समाधान वाहुळकर करीत आहेत.