रेल्वे धक्क्याने अनोळखी व्यक्तीचा मृत्यू

जळगाव : तालुक्यातील म्हसावद रेल्वे स्थानकाजवळ एका अनोळखी 35 वर्षीय पुरुषाचा रेल्वेचा धक्का लागल्याने मृत्यू झाला. ही घटना सोमवार, 21 फेब्रुवारी रोजी रात्री 11 वाजता उघडकीस आली. या संदर्भात जळगाव लोहमार्ग पोलिस ठाण्यात अकस्मात मृत्यूची नोंद करण्यात आली.

अनोळखीची ओळख पटवण्याचे आवाहन
जळगाव तालुक्यातील म्हसावद रेल्वे स्थानकाजवळ असलेल्या रेल्वे खंबा क्रमांक 398/ 11-13 दरम्यानच्या डाउन मुख्य रेल्वे लाईनमध्ये 35 वर्षीय अनोळखी पुरुषाचा धावत्या रेल्वेचा धक्का लागल्याने मृत्यू झाला. ही घटना सोमवार, 21 फेब्रुवारी रोजी रात्री 11 वाजेच्या सुमारास घडली. या संदर्भात म्हसावद स्टेशन मास्तर यांनी जळगाव रेल्वे पोलीस चौकीला फोनद्वारे माहिती कळविली. त्यानुसार जळगाव रेल्वे पोलिस कर्मचार्‍यांनी घटनास्थळी धाव घेऊन अनोळखी मृतदेहाचा पंचनामा केला. मृतदेह जिल्हा शासकीय वैद्यकीय महाविद्यालयात दाखल करण्यात आला मात्र अद्याप मयताची ओळख पटलेली नाही. पुढील तपास पोलिस हेड कॉन्स्टेबल रवींद्र ठाकूर करीत आहे.