लक्षात ठेवा, उत्तर भारतीयांनी ठरवले तरच केंद्रात सरकार येईल-अखिलेश यादव

लखनौ- मध्य प्रदेशच्या मुख्यमंत्रीपदाची शपथ घेतल्यानंतर कमलनाथ यांनी राज्यात जे उद्योग असतील त्यात ७० टक्के स्थानिक लोकांनाच संधी दिली जाईल. युपी, बिहारमधून राज्यात लोक येतात त्यामुळे इथल्या लोकांना काम मिळत नाहीत. मी त्यांच्यावर टीका करीत नाही मात्र त्यामुळे आमचे मध्य प्रदेशातील तरुण रोजगारांपासून वंचित राहतात असे विधान केले होते. यावर समाजवादी पक्षाचे अखिलेश यादव यांनी प्रतिक्रिया दिली आहे. कमलनाथांनी उत्तर भारतीयांबाबत केलेले वक्तव्य चुकीचे आहे असे सांगत एक गोष्ट लक्षात ठेवा की, उत्तर भारतीयांनी ठरवले तरच केंद्रात तुमच सरकार येईल, अशा शब्दांत त्यांनी मध्य प्रदेशचे मुख्यमंत्री कमलनाथ यांना सुनावले आहे.

कमलनाथ यांच्या या वादग्रस्त वक्तव्यामुळे त्यांच्यावर सर्वच क्षेत्रातून टीका होत आहे. त्यात आता उत्तर प्रदेशचे माजी मुख्यमंत्री असलेल्या अखिलेश यादव यांनीही टीका केली आहे. विशेष म्हणजे मध्य प्रदेशात काँग्रेसला सरकार स्थापण्यात अखिलेश यादवांच्या समाजवादी पक्षाने आणि मायावतींच्या बहुमजन समाज पक्षाने पाठींबा दिला आहे. त्यामुळेच काँग्रेसला बहुमताचा आकडा गाठत सत्ता स्थापनेचा दावा करता आला.