लव्हगुरूच्या भूमिकेत दिसणार अशोक सराफ

मुंबई: मराठी सिनेसृष्टीचे अशोक मामा यांनी सत्तर ऐंशी आणि नव्वद तिनी दशकात बऱ्याच रोमँटिक भूमिका केल्या  पण आता मामा आपल्याला त्यांच्या आगामी ‘हृदयात   समथिंग समथिंग’ सिनेमात लव्हगुरूच्या भूमिकेत दिसणार आहेत.‘हृदयात समथिंग समथिंग’ चित्रपटातल्या अशोक सराफ ह्यांच्या भूमिकेचे नुकतेच पोस्टर लाँच झाले आहे.

अशोक सराफ ह्यांच्या भूमिकेविषयी चित्रपटाचे निर्माते विनोदकुमार जैन म्हणतात, अशोक सराफ ह्यांची ओळख कॉमेडीचा बादशाह आहे. जवळजवळ तीन दशक आपण मराठी सिनेमांतून त्यांचा रोमँसही पाहत आलोय. अशावेळी कॉमेडी आणि रोमँस दोन्हीचे गुरू असलेल्या अशोक सराफ ह्यांना ह्या मॅड कॉमेडी सिनेमातून ‘लव्ह गुरू’च्या भूमिकेत पाहणं प्रेक्षकांना नक्कीच आवडेल असं आम्हांला वाटते.”

पिरॅमीड फिल्म्स हाऊस प्रस्तुत विनोदकुमार जैन, शैलेंद्र पारख, स्वप्नील चव्हाण, आणि अतुल गुगळे ह्यांची निर्मिती असलेला प्रवीण राजा कारळे दिग्दर्शित‘हृदयात समथिंग समथिंग’ चित्रपट 5 ऑक्टोबर ला रिलीज होणार आहे. या चित्रपटात अनिकेत विश्वासराव, भूषण कस्नेहा चव्हाण, प्रियंका यादव   अशोक सराफ ह्यांच्या प्रमुख भूमिका आहेत.

चित्रपटाचे दिग्दर्शक प्रविण राजा कारळे म्हणतात, “ अशोकमामा त्यांच्या कॉमिक टाइमिंगसाठी ओळखले जातात. ह्या धमाल विनोदी कौटुंबिक चित्रपटाव्दारे लव्हगूरू झालेल्या अशोकमामांकडून टिप्स ऐकायला मिळणं खूप मनोरंजक असेल.”