लेडी सिंघमला जेव्हा झाले अश्रू अनावर!

लखनऊ । उत्तर प्रदेशचे मुख्यमंत्री योगी आदित्यनाथ यांच्या गोरखपूरमध्ये, भाजप आमदारानेच एका महिला आयपीएस अधिकार्‍याशी बाचाबाची केली. धक्कादायक म्हणजे लेडी सिंघम म्हणून परिचित असलेल्या आयपीएस चारु निगम यांना भररस्त्यात अश्रू अनावर झाले. हे प्रकार सध्या यूपीमध्ये वाढले आहेत.

गोरखपूरमध्ये दारू गुत्ते आणि कच्च्या दारूविरोधात रास्तारोको करण्यासाठी महिला रस्त्यावर उरलेल्या होत्या. त्यामुळे वाहतुकीची कोंडी झाली होती. त्याचवेळी हा रास्तारोको हटवण्यासाठी आयपीएस अधिकारी चारु निगम फौजफाट्यासह दाखल झाल्या. त्यांनी हा जाम हटवण्याचा प्रयत्न सुरू केला.

त्याचवेळी आंदोलक महिलांनी पोलिसांवरच लाठ्यांनी हल्ला चढवला. यात चारु निमग जखमीही झाल्या. पण त्याचवेळी या महिलांची बाजू घेत भाजप आमदार राधामोहन दास पोहोचले आणि त्यांनी थेट आयपीएस अधिकारी चारु निगम यांनाच अपमानास्पद वागणूक दिली. आमदारांच्या या वर्तनाने चारु निगम खचल्या आणि त्यांना रडू कोसळले. आमदारांच्या या वर्तनावर मात्र चहू बाजूने टीका होत आहे.