वन डेत दमदार प्रदर्शनाची भारताला संधी

दांबुला । आजपासून दांबुला येथे भारताची लंकेविरोधात 5 सामन्यांच्या एकदिवसीय सामन्यांच्या मालिकेला सुरुवात होत आहे. सध्या दुसर्‍या क्रमांकावरील डेव्हिड वॉर्नर आणि कोहलीमध्ये 12 पॉइंट्सचा फरक आहे. त्यामुळे या मालिकेत दमदार प्रदर्शन करून हे अंतर अजून वाढवण्याची संधी कोहलीकडे आहे. भारतीय क्रिकेट संघाचा कर्णधार विराट कोहलीने आयसीसीने जारी केलेल्या एकदिवसीय सामन्यांच्या क्रमवारीत आपले अव्वल स्थान कायम राखले आहे. 873 गुणांसह कोहली या यादीत पहिल्या क्रमांकावर आहे, तर त्याच्या खाली ऑस्ट्रेलियाचा धडाकेबाज सलामीवीरडेव्हिड वॉर्नरचा नंबर लागतो. त्याचे 861 गुण आहेत, तर तिस-या क्रमांकावर दक्षिण आफ्रिकेचा एबी डिव्हिलिअर्स आहे, त्याचे 847 गुण आहेत.

कसोटी मालिकेत श्रीलंकेला 3-0 ने धूळ चारून व्हाइटवॉश देणार्‍या भारतीय संघाने आयसीसी क्रमवारीत आपला दबदबा कायम ठेवला आहे. नुकत्याच जाहीर झालेल्या क्रमवारीत टीम इंडियाने आपले अव्वल स्थान कायम राखले आहे. या मालिकेत सातत्यपूर्ण कामगिरी करणारा भारतीय संघाचा सलामीवीर के. एल. राहुल करिअरच्या सर्वोच्च रँकिंगवर पोहोचला आहे.

रँकिंगमध्ये 4 फलंदाज
टीम इंडियाच्या 4 फलंदाजांनी आयसीसीच्या टॉप 10 रँकिंगमध्ये स्थान मिळवलं आहे. यामध्ये चेतेश्वर पुजारा, विराट कोहली, केएल राहुल आणि अजिंक्य रहाणे यांचा समावेश आहे.

टॉप 10 फलंदाजांमध्ये कोहली
विराट कोहलीव्यतिरिक्त एकाही भारतीयला टॉप 10 फलंदाजांमध्ये स्थान मिळवता आलेलं नाही. या गुण तालिकेत महेंद्रसिंग धोनी (12 व्या), शिखर धवन (13 व्या) आणि उपकर्णधार रोहित शर्मा (14 व्या) स्थानी आहे. याशिवाय एकाही भारतीय गोलंदाजाला टॉप टेनमध्ये स्थान मिळवता आलेले नाही. एकदिवसीय सामन्यांच्या क्रमवारीचा विचार करता 114 पॉइंट्स मिळवून भारतीय संघ तिसर्‍या स्थानी आहे. 119 पॉईंट्स मिळवून दक्षिण आफ्रिकेचा संघ अव्वल ठरला आहे तर दुसर्‍या क्रमांकावरील ऑस्ट्रेलियाच्या संघाकडे 117 पॉइंट्स आहेत. श्रीलंका 88 पॉइंट्सने आठव्या स्थानावर आहे.

क्रमवारीतील तिसरा क्रमांक कायम ठेवण्यासाठी भारतीय संघाला लंकेविरोधातील मालिका 4-1, अशी जिंकणे गरजेचे आहे. भारताचे आता 114 पॉइंट्स आहेत, जर 3-2 ने भारताने मालिका जिंकली तरी भारताला एका पॉइंटचा फटका बसेल आणि 113 पॉइंट होतील आणि संघ चौथ्या क्रमांकावर फेकला जाईल.

टीम इंडिया रेटिंगमध्ये अव्वल
श्रीलंकेच्या मालिकेपूर्वी 11 व्या क्रमांकावर असणार्‍या राहुलला सातत्यपूर्ण कामगिरीचा चांगलाच फायदा झाला. त्याने पहिल्यांदाच टॉप 10 फलंदाजांमध्ये स्थान मिळवलं असून तो 9 व्या स्थानावर आला आहे. संघांच्या क्रमवारीमध्ये भारतीय संघाने अव्वल स्थान कायम राखलं असून लंकेचा संघ सातव्या क्रमांकावर कायम आहे. टीम इंडिया 125 रेटिंगसह पहिल्या स्थानावर कायम आहे. तर दक्षिण आफ्रिकेचा संघ दुस-या स्थानावर आहे. आफ्रिकेच्या संघापेक्षा भारत 15 अंकांनी पुढे आहे. आफ्रिकेच्या संघाचे 110 रेटिंग आहेत.