वाकडी गावातून पशूधनाची चोरी : शेतकरी संकटात

चाळीसगाव : तालुक्यातील वाकडी येथे गोठ्यात बांधलेला बैल अज्ञात चोरट्यांनी लंपास केल्याची घटना शनिवारी घडली. याप्रकरणी पोलिसात अज्ञात इसमाविरूध्द गुन्हा दाखल करण्यात आल.

पशूधन चोरीमुळे शेतकरी संकटात
चाळीसगाव तालुक्यातील वाकडी येथील सुनील वसंत पाटील (42) हे शेती व्यवसाय करून कुटुंबाचा उदरनिर्वाह करतात. शेती हा व्यवसाय असल्याने सुनील पाटील यांच्या मालकीचे खिल्लारी बैल जोडी आहे. त्यांना नेहमी घरा जवळील गोठ्यात बांधलेले असते. पाटील हे शुक्रवारी रोजी दिवसभर शेतात काम करून आले व बैलांना गोठ्यात बांधून झोपून गेले मात्र पाटील यांना 13 रोजी रात्री 3 वाजताच्या सुमारास जाग आल्याने ते घराबाहेर आले असता गोठ्यात एकच बैल दिसून आले. त्यावर घरच्यांनी परिसरात शोधाशोध केली असता बैल मिळून आले नाही. अज्ञात इसमाने 15 हजार रुपये किंमतीचे एक बैल चोरून नेल्याचे उघडकीला आले. त्यावर सुनील वसंत पाटील यांनी चाळीसगाव ग्रामीण पोलीस स्थानकात धाव घेतल्यानंतर चोरट्याविरोधात गुन्हा दाखल करण्यात आला. तपास पोलिस निरीक्षक संजय ठेंगे यांच्या मार्गदर्शनाखाली पुढील तपास संदीप माने हे करीत आहेत.