वाघोडच्या इसमाची रेल्वेखाली आत्महत्या

रावेर- तालुक्यातील वाघोड येथील माळू माधव निंभोरे (47) यांनी धावत्या 11078 झेलम एक्स्प्रेसखाली झोकून देत आत्महत्या केली. ही घटना बुधवारी सकाळी साडेसात वाजेच्या सुमारास घडली. या प्रकरणी रावेर पोलिसात अकस्मात मृत्यूची नोंद करण्यात आली. खांबा 484/11 जवळ निंभोरे यांचा मृतदेह आढळून आला. निंभोरे यांनी आत्महत्या का केली? याबाबत कारण कळू शकले नाही. तपास हवालदार संतोष चौधरी करीत आहेत.