वाघोदा खुर्दच्या रेशन दुकानाचा जिल्हा पुरवठा अधिकाऱ्यांकडून परवाना रद्द

गुन्हा दाखल; प्रांताधिकारी,तहसीलदार घटनास्थळी चौकशी

रावेर (प्रतिनिधी) : तालुक्यातील वाघोदा खुर्द येथील रेशन दुकानदार के.एस. शिंदे याने राशन दुकानातून धान्याची जादा दरानेव ठरवून दिलेल्या प्रमाणापेक्षा कमी वाटप केल्याच्या कारणावरून प्रांताधिकारी डॉ. अजित थोरबोले व तहसीलदार उषारणी देवगुणे यांनी स्थानिक नागरिकांचे जबाब घेऊन चौकशी केली असता त्यात तथ्य असल्याचे दिसून आल्याने जिल्हा पुरवठा अधिकारी सुनील सूर्यवंशी यांनी याबाबत तडकाफडकी निर्णय घेत या दुकानाचा परवाना तत्काळ रद्द केला असून दुकानदार वसंत गणपत शिंदे याच्याविरुद्ध आपत्ती व्यवस्थापन अधिनियम, साथीचे रोग अधिनियम, जीवनावश्यक वस्तू अधिनियम नुसार सावदा पोलीस ठाण्यात गुन्हा दाखल करण्यात आला आहे.