वादळी पावसाने ओरंगाबादची उडवली दाणादाण

पैठण : पहिला पाऊस म्हणजे सर्वच नागरिकांसाठी एकप्रकारचा सुखद आनंद असतो. मात्र हाच पाऊस पुढे जाऊन भारी पडणार असेल तर सर्वांनाच याचा भारी दणका बसण्याची दाट शक्यता आहे. औरंगबादच्या पैठण तालुक्यात थेरगावमध्ये वादळी वारा आणि पावसामुळे 50 घरांचे नुकसान झाले आहे. तर दुसरीकडे डाळिंब आणि मोसंबीच्या बागा त्यामुळे उद्धवस्त झाल्या आहेत.

या वादळी पावसामुळे अनेक घरांवरचे पत्रे उडून गेले आहेत, तर काही ठिकाणी घरांच्या भिंती कोसळल्या आहेत. यात अनेक झाडंही उन्मळून पडली आहेत तर विजेचे खांबही सुद्धा कोसळले आहेत. शनिवारपासून संध्याकाळी सोसाट्याचा वारा आला आणि गावांत हाहाकार उडाला. प्रशासनाकडून रविवार सकाळपासून पंचनामे सुरू करण्यात आले आहेत. खरे तर मान्सूनचा तसा पहिला पाऊस आनंद देणारा असतो, मात्र या गावांत पहिल्या पावसानं ग्रामस्थांची पुरती दाणादाण उडवली आहे.

पैठण तालुक्यातल्या थेर गावांत आलेल्या वादळी पावसाने फळबागांचे मोठे नुकसान झाले आहे. डाळिंब आणि मोसंबीच्या बागा त्यामुळे उद्धवस्त झाल्या आहेत. भर उन्हात टँकरने पाणी आणून शेतकर्‍यानं या बागा जगवल्या. पण आता हाता तोंडाशी आलेले फळ पावसाने मात्र हिरावून नेले आहे.