विकास आराखड्यातील हॉस्पिटलचे आरक्षण रद्द

मुंबई । महानगर पालिकेने मंजूर करून शासनाकडे पाढविलेल्या विकास आराखड्यात पालिका अधिकार्‍यांकडून परस्पर पुन्हा फेरबदल होत असून याबाबत पालिका आयुक्तांनीही आपले हात झटकले आहेत. या बाबत प्रत्यक्षात विकास आराखड्यात दाखविलेले मूळ हॉस्पिटलचे आरक्षण तसेच असून मात्र सदर भूखंडावर हॉस्पिटलच्या जागी खेळाच्या मैदानाचे काम सुरु केले असल्याचा आरोप नगरसेविका धनश्री भरडकर यांनी केला आहे. मुबई महानगर पालिकेने अंतिम मंजूर केलेल्या विकास आराखड्यात पत्रिका 44 मध्ये कुरार गाव मध्ये सीटीएस क्रमांक 827 येथे सुमारे पाच एकरच्या भूखंडावर रुग्णालयाचे आरक्षण ठेवण्यात आलेले आहे. या विकास आराखड्यास पालिका आयुक्त तसेच विकास नियोजन यांनीं स्वाक्षर्‍या करून अंतिम मान्यता देऊन हा विकास आराखडा पुढील कारवाईसाठी शासनाकडे पाठविण्यात आला आहे.

सादर भूखंडवर रुग्णालयाची नितांत आवक्श्यकता आहे. मात्र अचानक सादर आरक्षणात फेरफार करून पुन्हा पूर्वीचे खेळाच्या मैदानाचे आरक्षण करण्यात येत आहे. हा बदल करण्यासाठी कोणी सांगितले,असा प्रश्‍न नगरसेविका धनश्री भरडकर केला आहे.या भूखंडाच्या बाजूला सुमारे 4 एकराचे शंकर बुवा साळवी मैदान गेल्या क्रित्येक वर्षांपासून असताना पुन्हा मैदानाचा आग्रह का धरला जात आहे. या कुरार विभागात नजीक कोणतेही रुग्णालय नसल्याने या ठिकाणच्या नागरिकांसाठी येथे हॉस्पिटल होणे महत्वाचे असल्याचे त्यांनी सांगितले.तसेच ,प्रत्यक्षात पूर्वीच्या विकास आराखड्याची मुदतहि संपली असताना या मैदानासाठी 2017-18 मध्ये इरादा पात्र कसे देण्यात येते असा सवाल उपस्थित करण्यात येत आहे. नवीन विकास आराखडा देखील पूर्णपणे मंजूर झाला नसताना सदरच्या विकासकाला 22000 चौरस मीटर मैदानाचा टीडीआर कसा दिला जातो,यामध्ये सुमारे 100 कोटींचा घोटाळा झाला असल्याचा आरोप करीत या प्रकरणाची चौकशी करण्याची मागणी नगरसेविका धनश्री भरडकर यांनी केली आहे. याबाबत आपण पालिका आयुक्त अजोय मेहता यांची राष्ट्रवादीच्या गटनेत्या राखी जाधव ,आमदार विद्या चव्हाण यांच्यासह भेट घेतली असता पालिका आयुक्तांनी सादर विकास आराखडा शासनाकडे गेला आहे.