विधानपरिषद सभापती व मुख्यमंत्र्यांनी केली वातानुकुलीत शिवशाही बसची पाहणी

मुंबई : एसटीच्या सेवेत दाखल झालेल्या वातानुकुलीत आणि आरामदायी अशा शिवशाही बसची आज विधानपरिषदेचे सभापती रामराजे नाईक – निंबाळकर व मुख्यमंत्री देवेंद्र फडणवीस यांनी पाहणी केली. प्रवाशांच्या सुविधेसाठी एसटीमार्फत राबविण्यात येत असलेल्या विविध उपक्रमासह शिवशाही बसची माहिती परिवहन मंत्री तथा एसटी महामंडळाचे अध्यक्ष दिवाकर रावते यांनी यावेळी दिली.

2 हजार शिवशाही बसेस दाखल होणार
राज्यातील प्रवाशांना सुरक्षित प्रवास देण्यासोबतच आरामदायी आणि किफायतशर प्रवास देण्यासाठी एसटी महामंडळाने शिवशाही या अद्यावत बसेस आपल्या तापÌयात सहभागी केलेल्या आहेत. त्यानंतर पुन्हा आणखी काही बस दाखल झाल्यानंतर येणार्या पुढील बस येण्यास अडथळे येत असल्याचे समोर आले आहे. देशभरात लागू करण्यात आलेल्या जीएसटी कर प्रणालीमुळे पुरवठादार कंपन्यांना अडचणी निर्माण झाल्याने बस तापÌयात दाखल होण्यास उशिर होत असल्याचे बोलले जात आहे. मात्र, डिसेंबर अखेर पर्यंत १५०० बस ताफ्यात दाखल होतील असा विश्वास महामंडळाकडून व्यक्त केला जात आहे.

एसटी महामंडळाकडून आरामदायी २ हजार शिवशाही बस तापÌयात आणल्या जात आहेत. यापैकी भाडेतत्वावर असलेल्या १५०० बसेस टप्याटप्याने दाखल होण्यास सुरुवात देखील झाली आहे. यामधील काही बस जून महीन्यात दाखल झाल्या. त्यानंतर आणखी काही बस तापÌयात दाखल होणे अपेक्षित होते. मात्र, जीएसटीच्या अडचणीमळे या बस तापÌयात दाखल होण्यास अडथळा येत आहे.

जीएसटी लागू झाल्यानंतर १८ टक्के कर
जीएसटी लागू झाल्यानंतर १८ टक्के कर भरावा लागत असल्याने पुरवठादारांना अडचणी निर्माण झाल्याने या बस तापÌयात दाखल होऊ शकल्या नाहीत. यावर तोडगा निघाल्यानंतर आता सप्टेंबरच्या पहील्या आठवड्यात काही बस दाखल होणार आहेत. तर डिसेंबर अखेर पर्यंत भाडेतत्वावरील एकुण १५०० बसेस दाखल होणार असल्याचे सांगण्यात येत आहे. या बसेसची बांधणी विविध कंत्राटदारांच्या माध्यमातून सुरू आहे. भाडेतत्वावर घेण्यात आलेल्या शिवशाही बसचे चालक संबंधित बस पुरवठा करणारी कंपनी करणार असून केवळवाहक हा एसटीचा कर्मचारी असणार आहे.

तसेच शिवशाही बसची बांधणी वेगवेगळे कंत्राटदार करत असून खासगी बसबांधणीत अग्रेसर असलेल्या एमजी समूहाला २५० शिवशाही बस तयार करण्याची ऑर्डर नुकतीच महामंडळाकडून देण्यात आली आहे. त्यानूसार एमजी समूहाकडून आरामदायी वातानुकुलीत शिवशाही बसचा पुरवठा करण्यात येणार आहे.

प्रवाशांना एसटी कडे वळवण्याचा प्रयत्न-
किफायतशीर दरात प्रवास करता यावा यासाठी तसेच खाजगी वाहतुकीकडे गलेल्या प्रवाशांना पुन्हा एसटीकडे वळविण्यासाठी एसटी महामंडळ विविध उपक्रम राबवित आहे. त्याचाच एक भाग म्हणून सर्व सुविधांनीयुक्त, वातानुकुलीत आणि आरामदायी अशा 2 हजार शिवशाही बसेस एसटी महामंडळाच्या ताफ्यात दाखल होत आहेत. या बसेस मुख्यत्वेकरून लांबपल्ला, मध्यम लांबपल्ला व आंतरराज्य मार्गावर चालविण्याचे नियोजन आहे. सध्या मुंबई – रत्नागिरी व पुणे – लातूर या मार्गावर ही बससेवा सुरु करण्यात आली आहे. इतर भागात टप्प्याटप्प्याने या बसेस प्रवाशांच्या सेवेत दाखल होणार आहेत, अशी माहिती मंत्री श्री. रावते यांनी यावेळी दिली. या बससाठी प्रतिप्रवासी प्रती किमी साधारण दिड रुपया इतका किफायतशीर दर आहे. बसमध्ये प्रत्येक प्रवाशास स्वतंत्र मोबाईल चार्जर, सीट बेल्ट, पुशबॅक पद्धतीच्या सीटस्, दोन एलसीडी टिव्ही अशा सुविधा आहेत. पुर्ण वातानुकुलीत आणि आरामदायी असलेली शिवशाही बस प्रवाशांच्या निश्चितच पसंतीस उतरेल, असा विश्वास यावेळी उपस्थित मान्यवरांनी व्यक्त केला.