विधानभवन परिसरात शुक्रवारी रंगणार फुटबॉलचा सामना

मुंबई । सतरा वर्षाखालील फुटबॉल विश्वचषक स्पर्धा भारतात होणार आहेत. त्या निमित्ताने पंतप्रधान नरेंद्र मोदी यांनी मिशन XI मिलियन ची घोषणा केली आहे. त्याला प्रतिसाद देत महाराष्ट्रात क्रीडा मंत्री विनोद तावडे यांनी मिशन 1 मिलियन- अवघा महाराष्ट्र फुटबॉलमय अभियानाची योजना केली आहे. आरोग्य व आनंदासाठीफुटबॉल असे अभियान संपूर्ण महाराष्ट्रात होणार आहे. या दरम्यान महाराष्ट्रात सर्व शाळांमध्ये फुटबॉल सामने, आमदार चषक फुटबॉल व विद्यार्थ्यांसाठी प्रशिक्षण व कार्यशाळा इत्यादींचे आयोजन केले जाणार आहे. या अभियानाची प्रचार प्रसिध्दी करण्यासाठी विधीमंडळ परिसरात आमदार महोदयांचा सामना आयोजित केला आहे. अध्यक्ष XI विरुध्द सभापती XI असा सामना शुक्रवारी विधीमंडळाच्या परिसरात दुपारी 04.00 वाजता होणार आहे. यासाठी आज पूर्व तयारी केलेली असून शालेय फुटबॉल खेळाडू प्रेक्षक म्हणून विशेष निमंत्रित केले आहेत.