विधानसभेला भाजप-सेनेची युती होणार नाही; नारायण राणेंचे भाकीत

मुंबई: विधानसभा निवडणूक अगदी तीन महिन्यावर येऊन ठेपली आहे. भाजप-सेनेची युती होणार की नाही याबाबत तर्क-वितर्क लढविले जात आहे. दरम्यान यावर स्वाभिमानी महाराष्ट्र पक्षाचे अध्यक्ष माजी मुख्यमंत्री खासदार नारायण राणे यांनी भाष्य केले आहे. लोकसभेत भाजप-सेनेत युती झाली होती मात्र विधानसभेला भाजप-सेनेची युती होणार नाही असे भाकीत नारायण राणे यांनी वर्तविले आहे. एका वृत्तवाहिनीला दिलेल्या मुलाखतीत ते बोलत होते.

भाजप-सेना युती होणार नाही, मात्र याचा फटका शिवसेनेला बसेल आणि भाजपची सत्ता पुन्हा येईल असेही त्यांनी सांगितले आहे. येत्या आठवड्याभरात नारायण राणे कोणत्या पक्षात जायचे याबाबत अधिकृत घोषणा करणार आहेत. तत्पूर्वी त्यांनी भाजप पुन्हा सत्तेत येणार असल्याचे सांगितले असल्याने ते भाजपात जाणार असे दिसून येते.