विभागीय विज्ञान प्रदर्शनात 19 उपकरणांची निवड

धुळे । इन्स्पायर अवॉर्ड विभागीय विज्ञान प्रदर्शनातून 19 उपकरणांची निवड राज्यस्तरीय इन्स्पायर अवॉर्ड विज्ञान प्रदर्शनासाठी करण्यात आलेली आहे. यात धुळ्याचे 9, जळगावचे 6 व नंदुरबार जिल्ह्यातील 4 उपकरणांचा समावेश आहे. या विज्ञान प्रदर्शनात 186 उपकरणे मांडण्यात आली होती. त्यात धुळ्याचे 86, जळगावचे 60 व नंदुरबार जिल्ह्यातील 40 उपकरणांचा समावेश होता. विज्ञान व तंत्रज्ञान विभाग नवी दिल्ली, राज्य विज्ञान शिक्षण संस्था, रविनगर नागपूर व शिक्षण विभाग धुळे यांच्या संयुक्त विद्यमाने धुळे येथील छत्रपती शिवाजी हायस्कूलमध्ये तीन दिवसांपासून सुरू असलेल्या या विज्ञान प्रदर्शनाचा शुक्रवारी समारोप करण्यात आला.

राज्यस्तरीय निवड झालेले विद्यार्थी
धुळे जिल्हा-रूपेश शिंदे ( मोहाडी धुळे-कचरा निर्मूलनाची आधुनिक पद्धत), दिग्विजय भामरे (देवपूर, धुळे- सौर सायकल), सुभाष पाटील (धुळे- आधुनिक विकसनशील शेती), अवैस शेख (साक्री- आधुनिक पार्किंग), संध्या नंदन (साक्री- रस्त्यावरील कचरा सुव्यवस्थापन), पल्लवी नेरकर (साक्री- कचरा व्यवस्थापन व जलाशय संरक्षण), देवेश सोनवणे (भालणे, ता.साक्री- इलेक्ट्रिसिटी जनरेशन), रितीक जैन (शिंदखेडा- वेस्ट मॅनेजमेंट इन रेल्वे), साक्षी पवार (शिंदखेडा- ऑटो सेल्फ क्लिनिंग टॉयलेट). जळगाव जिल्हा- अमृता पाटील (वरणगाव- आधुनिक स्प्रे पंप), शुभम नावरे (उंबरखेड), मेघना कुळकर्णी (मेहुणबारे, नदीची स्वच्छता),सोहम राठी (एरंडोल- सिंचनाची आधुनिक पद्धत), वेदांत महाजन (रावेर), आदित्य देशमुख (यावल, सौर रेल्वे). नंदुरबार जिल्हा- आर्या पाटील (नंदुरबार- हायटेक फॅन), कशहिती वळवी (नंदुबार), गणेशराज पाटील (विखरण), क्रितिका वसावे यांचा समावेश आहे.