विमानाचे इमर्जन्सी लँडिंग

मुंबई । मुंबई विमानतळावर एअर इंडियाच्या विमानाचे इमर्जन्सी लँडिंग करण्यात आले. मुंबईहून भुवनेश्‍वरच्या दिशेने जाणार्‍या विमानाचे लँडिंग करण्यात आले आहे. या विमानाने आज दुपारी सव्वा दोन वाजता भुवनेश्‍वरच्या दिशेने टेक ऑफ केले होते.

आज दुपारी सव्वा दोन वाजता मुंबईहून भुवनेश्‍वरला जाणार्‍या ए1669 या विमानाच्या कॉकपिटमधून अचानक धूर येऊ लागला. पायलटने प्रसंगावधान राखत इमर्जन्सीचा इशारा दिला. त्यामुळे या विमानाचे इमर्जन्सी लँडिंग करण्यात आले. दरम्यान, इमर्जन्सी लँडिंगनंतर विमानाची कसून तपासणी करण्यात आली. या विमानातील सर्व प्रवासी सुखरूप असून, त्यांना दुसर्‍या विमानाने भुवनेश्‍वरला रवाना करण्यात येणार आहे.