विहिरीवरून पाण्याची मोटार चोरीला

रावेर । तालुक्यातील सिंदखेडा येथील शेताच्या विहीरीतुन कोणीतरी अज्ञात चोरट्याने पाण्याची मोटर चोरुन नेल्याची घटना घडली असुन याबाबत रावेर पोलीसात गुन्हा दाखल करण्यात आला आहे. याबाबत माहिती अशी की, रमेश पाटील यांचे रावेर शिवारातील शिंदखेडा ते मुंजलवाडी दरम्यान असलेल्या शेतातील गट क्र. 1340/2 मधुन कोणीतरी अज्ञात चोरट्याने लबाडीच्या इराद्याने 5 हजार रूपये किंमतीची फाल्कन कंपनीची 5 एचपी समुराई मोटार चोरुन नेली आहे. याबाबत रावेर पोलिसात रविंद्र पाटील यांच्या फिर्यादी वरुन भादवि कलम 379 प्रमाणे गुन्हा दाखल करण्यात आला आहे. पुढील तपास पो.कॉ. जितेंद्र पाटील करीत आहे.