वॉल पेटिंगच्या माध्यमातून सरकारचा निषेध

पुणे : पुणे येथील फर्ग्युसन कॉलेजच्या भिंतीवर ‘चौकीदार चोर है,’ असे वॉल पेटिंगच्या माध्यमातून लिहून सरकारने 4 वर्ष पूर्ण होऊनही नोकर्‍या नाहीत म्हणून महाराष्ट्र प्रदेश व पुणे जिल्हा एनएसयूतर्फे सरकारचा निषेध व्यक्त केला. यामध्ये फसव्या घोषणा करत दर वर्षी 2 कोटी नोकर्‍या देऊ असे आश्‍वासन देऊन युवकांची व विद्यार्थ्यांची मते घेतली. परंतु नोकर्‍या द्यायच्या लांब, जे विद्यार्थी चांगले काम करत होते. त्यांच्यासुद्धा नोकर्‍या बोगस कार्यप्रणालीमुळे हिसकावून घेतल्या. शिक्षण निधी बंद केला. या विरोधात राज्यातील भाजप सरकारला सत्तेत येऊन 4 वर्ष पूर्ण झाल्यानिमित्त सरकारच्या विरोधात वॉल पेटिंग काढून आपला निषेध व्यक्त केला.