व्यायामामुळे आवाहने पेलण्याची ताकद मिळते – चंदू बोर्डे
राष्ट्रीय युवा दिनानिमित्त 600हून अधिक विद्यार्थ्यांच्या प्रात्यक्षिकांचे सादरीकरण
पुणे : मुलांनी रोज मैदानात खेळायला पाहिजे, घाम गाळला तरच आरोग्य चांगले राहते, व्यायाम आजच्या युगात खूप महत्त्वाचे आहे. व्यायामामुळे आवाहने पेलण्याची ताकद मिळते. पालकांनी मुलांच्या शारीरिक प्रगती आणि आहाराकडे विशेष लक्ष ठेवले पाहिजे, असे मत क्रिकेट महर्षी पद्मभूषण चंदू बोर्डे यांनी केले.
निमित्त होते; दि पूना गुजराती केळवणी मंडळद्वारा संचालित शेठ आर.एन. शहा इंग्लिश मीडियम प्रायमरी स्कूल, डॉ. जी.जी शहा इंग्लिश मीडियम हायस्कूल आणि आर.सी.एम. गुजराती व शेठ हकीमचंद इश्‍वरदास गुजराती शाळांच्या विद्यार्थ्यांनी बाबुराव सणस मैदानावर सांघिक क्रीडा प्रात्यक्षिक सादरीकरणाचे. याप्रसंगी विद्यापीठाच्या क्रीडा विभागाचे संचालक दीपक माने उपस्थित होते.
राष्ट्रीय युवा दिनानिमित्त शाळेच्या इयत्ता 3 री ते 10 वीच्या 600हून अधिक विद्यार्थ्यांनी सहभाग घेतला होता. शालेय विद्यार्थ्यांमध्ये क्रीडा प्रेम, सांघिक भावना, चिकाटी आणि जिद्द निर्माण करण्याच्या प्रमुख हेतूने गेली 5 वर्षे संस्था या कार्यक्रमाचे आयोजन करीत आहे, अशी माहिती संस्थेचे विश्‍वस्त डॉ. नलिनी गुजराती, अध्यक्ष किरीट शहा यांनी दिली. प्रात्याक्षिक सादरीकरणात मल्लखांब, सूर्यनमस्कार, रिदमीक योगा, डंबल ड्रिल, सायकलवरील कवायती, मानवी मनोरे, बांबू व फिटनेस ड्रिल आणि जाळातून विविध चित्तथरारक कवायती यांचा समावेश होता.
600हून अधिक विद्यार्थ्यांनी घेतला सहभाग
राष्ट्रीय युवा दिनानिमित्त शाळेच्या इयत्ता 3 री ते 10 वीच्या 600हून अधिक विद्यार्थ्यांनी सहभाग घेतला होता. शालेय विद्यार्थ्यांमध्ये क्रीडा प्रेम, सांघिक भावना, चिकाटी आणि जिद्द निर्माण करण्याच्या प्रमुख हेतूने गेली 5 वर्षे संस्था या कार्यक्रमाचे आयोजन करीत आहे, अशी माहिती संस्थेचे विश्‍वस्त डॉ. नलिनी गुजराती, अध्यक्ष किरीट शहा यांनी दिली. प्रात्याक्षिक सादरीकरणात मल्लखांब, सूर्यनमस्कार, रिदमीक योगा, डंबल ड्रिल, सायकलवरील कवायती, मानवी मनोरे, बांबू व फिटनेस ड्रिल आणि जाळातून विविध चित्तथरारक कवायती यांचा समावेश होता.
विशेष प्राविण्य मिळविलेल्या खेळांडूचा सत्कार
यावेळी आंतरशालेय विविध स्पर्धांमध्ये विशेष प्राविण्य मिळविलेल्या खेळांडूचा गौरव पदक व प्रशास्तिपत्रक देऊन करण्यात आला. राजेश कानाबर, अशोक शहा, अनुज गांधी, किरीट शहा, मुख्याध्यापिका अर्चना धारू, मंजिरी गुमास्ते, नीलम लोखंडे, जनक शहा, हेमंत मणियार, सहसचिव प्रमोद शहा, मोहन गुजराथी, वरजेश शहा, नीलेश शहा, एच. व्ही. देसाई कॉलेजचे प्राचार्य डॉ. गिरीश पाठाडे, डॉ. गुगळे, सोनल बारोट उपस्थित होते. सूत्रसंचालन कल्याणी निजामपूरकर, सोनाली पाटील, विधी नागदेव यांनी केले. तर अर्चना धारू यांनी आभार मानले.