व्हॉट्सॲपवर तपासणी अहवाल व्हायरल; जिल्हापेठ पोलिसात गुन्हा दाखल

जळगाव : कोरोना रुग्ण पॉझिटिव्ह असल्याबाबतचा तपासणी अहवाल व्हॉट्सॲपवर व्हायरल करणाऱ्या एकाविरुद्ध जिल्हापेठ पोलिस ठाण्यात गुन्हा दाखल झाला आहे कोरोना पॉझिटिव्ह रुग्णाची ओळख पटु नये तसेच ओळख पटविण्यास कारणीभुत व्यक्तिविरोधात गुन्हा दाखल करण्याचे शासनाचे आदेश आहेत.

जिल्हा रुग्णालयात दाखल शहरातील ४९ वर्षीय कोरोना संशयित नागरिकाचा पॉझिटिव्ह असल्याचा तपासणी अहवाल शनिवारी प्राप्त झाला. हा तपासणी अहवाल सोशल मीडियावर व्हायरल झाला . तपासणी अहवाल व्हायरल होवुन संबंधित रुग्णाची ओळख समोर आली. शासनाच्या आदेशाचे उल्लंघन झाल्यामुळे जिल्हाधिकारी डॉ. अविनाश ढाकणे यांनी रविवारी अहवाल व्हायरल करणाऱ्यांविरोधात गुन्हा दाखल करण्याचे पोलिस प्रशासनाला दिले होते. त्यानुसार जिल्हापेठ पोलीस ठाण्यातील पोलीस नाईक उमेश पाटील यांच्या फिर्यादीवरून जिल्हापेठ पोलिस ठाण्यात तपासणी अहवाल व्हायरल करणाऱ्या अज्ञात व्यक्तीविरुद्ध गुन्हा दाखल झाला आहे. तपासणी अहवाल व्हायरल करून संबंधित रुग्णाची ओळख निष्पन्न झाल्याने तसेच त्यामुळे रुग्णाच्या बदनामीस कारणीभूत ठरल्याचे फिर्यादित नमुद आहे