BREAKING: शरद पवारांच्या भेटीनंतर खडसे उद्धव ठाकरेंच्या भेटीला !

मुंबई: भाजपमध्ये नाराज असलेले ज्येष्ठ नेते माजी मंत्री एकनाथराव खडसे यांनी आज सोमवारी राष्ट्रवादी काँग्रेसचे अध्यक्ष शरद पवार यांची दिल्लीला भेट घेतली. खडसे यांनी शरद पवारांसोबत अर्धा तास चर्चा केली. त्यामुळे राजकारणात खळबळ उडाली आहे. यानंतर आता एकनाथराव खडसे उद्या मुख्यमंत्री उद्धव ठाकरे यांची भेट घेणार आहे. खडसे यांनी काही दिवसांपूर्वीच आपल्यावर अन्याय होत राहिला तर वेगळा विचार करावे लागेल असा भाजपला इशारा दिला होता. त्यानंतर आज त्यांनी शरद पवार आणि त्याच्यानंतर उद्धव ठाकरे यांची भेट घेणार असल्याचे ते पक्ष सोडणार असल्याची चर्चेला वेग आले आहे.

खडसे आज दिल्लीला गेले आहे. त्यांच्यावर झालेल्या अन्यायाबाबत आणि पक्षात मिळत असलेल्या वागणुकीवरून खडसे प्रभारी भूपेंद्र यादव यांची भेट घेणार होते.