शहरातील डॉक्टरांनी केले पेन डाऊन आंदोलन

भुसावळ। डॉक्टरांच्या विविध मागण्यांसंदर्भात आयएमए संघटनेने मंगळवार 6 रोजी सकाळी प्रांताधिकारी श्रीकुमार चिंचकर यांना निवेदन दिल़े वैद्यकीय उपचारातील निष्काळजीपणा व लेखनिक चुकांसाठी फौजदारी कार्यवाही करू नये, ग्राहक संरक्षण कायद्यांतर्गत कमाल भरपाईची रक्कम मर्यादा ठरवावी, डॉक्टरांच्या हॉस्पीटल बाबतीत सर्व प्रकारच्या नोंदणीसाठी एकाच ठिकाणी सिंगल विंडो व्यवस्था असावी, सरकारच्या प्रत्येक आरोग्य विषयक समितीमध्ये आयएमचा प्रतिनिधी असावा, वेगवेगळ्या उपचार पद्धत्तीने अशास्त्रीय मिश्रण करू नये, आरोग्य सेवेसाठीचा निधी अडीच ते पाच टक्के वाढविण्यात यावे आदी मागण्यांचा समावेश आह़े

यांची होती उपस्थिती
निवेदन देताना आयएमए संघटनेचे अध्यक्ष डॉ.दिलीप जावळे, सचिव डॉ. मिलिंद पाटील, डॉ. प्रसन्न जावळे, डॉ. रेश्मा जावळे, डॉ. ओमप्रकाश चौधरी, डॉ. शितल चौधरी, डॉ. वैजनाथ चौधरी, डॉ. चेतन ढाके, डॉ. विकास कोळंबे, डॉ. प्रविण महाजन, डॉ. राजेश मानवतकर, डॉ. वसंत चौधरी, डॉ. संतोेष चौधरी यांच्यासह सदस्यांची उपस्थिती होती़.