शहरात रिक्षाचालकांची आरोग्य तपासणी
जळगाव । रोटरी क्लब ऑफ जळगाव वेस्ट आणि उपप्रादेशि परिवहन विभागातर्फे शहरातील 250 रिक्षाचालकांची विनामूल्य आरोग्य तपासणी करण्यात आली. आरटीओ अधिकारी जयंत पाटील, मोटार वाहन निरीक्षक कमलेश चव्हाण, निशिकांत वैद्य, शेखर आचार्य, अतुल भागवत, राकेश रावते, राकेश शिरसाठ, रोटरी वेस्टचे अध्यक्ष योगेश भोळे, मानद सचिव संजय इंगळे, माजी सहप्रांतपाल गनी मेमन, डॉ.शीतल ओसवाल, डॉ.कल्पेश गांधी, डॉ.अर्जुन साठे आदीसह सर्व रिक्षा युनियनच्या पदाधिकार्यांची उपस्थिती होती. रिक्षाचालक रांत्रदिवस परिश्रम करत असल्याने ते आरोग्याकडे दुर्लक्ष करतात. त्यांच्या आरोग्यासाठी व कुटुंबीयांच्या कल्याणासाठी हा उपक्रम आयोजित करण्यात आला. यशस्वीतेसाठी रिक्षा युनियनचे दिलीप सपकाळे, विलास ठाकुर, भानुदास गायकवाड, रज्जाकभाई, जमीलभाई, शशिकांत जाधव,रणजित नाईक, अशोक पाटील आदींसह रिक्षाचालकांनी परिश्रम घेतले.