शहर पाणीपुरवठा योजनेचे मुख्यमंत्र्यांच्या हस्ते भूमिपूजन

जळगाव । केंद्र शासन पुरस्कृत अमृत अभियानातंर्गत राबविण्यात येत असलेल्या 249 कोटी 16 लाख रुपये खर्चाच्या जळगाव शहर पाणी पुरवठा योजनेचे भूमिपूजन शुक्रवार 30 रोजी दुपारी 2 वाजता भाऊंचे उद्यान, काव्यरत्नावली चौक येथे येथे मुख्यमंत्री देवेंद्र फडणवीस यांच्या हस्ते होणार आहेत. कार्यक्रमाच्या अध्यक्षस्थानी राज्याचे महसूल चंद्रकांत पाटील हे उपस्थित राहणार आहेत.

यांची राहिल विशेष उपस्थिती
कार्यक्रमास कृषी, फलोत्पादनमंत्री पांडुरंग फुंडकर, जलसंपदामंत्री गिरीष महाजन, पाणीपुरवठा व स्वच्छतामंत्री बबनराव लोणीकर, ऊर्जामंत्री चंद्रशेखर बावनकुळे, सहकार राज्यमंत्री गुलाबराव पाटील, जि.प. अध्यक्षा उज्ज्वला पाटील, माजीमंत्री आ. एकनाथराव खडसे, माजीमंत्री सुरेशदादा जैन, खासदार ए.टी. पाटील, खा. रक्षाताई खडसे, आ.डॉ. सुधीर तांबे, डॉ.अपूर्व हिरे, स्मिताताई वाघ, चंदुलाल पटेल, डॉ. सतीश पाटील, संजय सावकारे, हरिभाऊ जावळे, चंद्रकांत सोनवणे, सुरेश भोळे, शिरीष चौधरी, उन्मेष पाटील, किशोर पाटील, नगरविकास विभागाच्या प्रधान सचिव मनिषा म्हैसकर, विभागीय आयुक्त राजाराम माने, जिल्हाधिकारी किशोर राजे निंबाळकर, जैन इरिगेशनचे अध्यक्ष अशोक जैन यांची विशेष उपस्थिती राहणार आहे

उपस्थितीचे आवाहन
कार्यक्रमास सर्वांनी उपस्थित राहावे, असे आवाहन महापौर ललित कोल्हे, उपमहापौर गणेश सोनवणे, स्थायी समिती सभापती ज्योती इंगळे, महिला व बालकल्याण समिती सभापती प्रतिभा कापसे, सभागृह नेता नितीन लढ्ढा, विरोधी पक्षनेता वामनराव खडके यांनी केले आहे.