शाहूनगरात एकाला बेदम मारहाण

जळगाव। शाहूनगर भागातील पडकी शाळा परिसरात सायंकाळी 7 वाजेच्या सुमारास एका तरूणाला तिघांकडून बेदम मारहाण करून धारधार शस्त्राने डोक्यावर वार करत गंभीर जखमी केल्याची घटना घडली आहे. याप्रकरणी तरूणाने मारहाण करणार्‍या तिघांविरूध्द शहर पोलिस ठाण्यात तक्रार दाखल केली आहे. शाहूनगर येथील रहिवासी गणेश गोपाल जगताप (वय-26) हा सायंकाळी शाहूनगर परिसरातील पडकी शाळा भागात उभा होता.

डोक्यावर शस्त्राने केला वार
त्यावेळी मयुर मानकुंभरे, प्रधान मोडीक, गणेश चौधरी हे तिघे त्या ठिकाणी येवून त्यांनी किरकोळ कारणावरून गणेश जगताप याला मारहाण केली. यानंतर एकाने त्याच्या हातातील धारधार शस्त्राने त्याच्या डोक्यावर वार करून गंभीर जखमी करत तेथून पसार झाले. यानंतर गणेश याच्यावर खाजगी रूग्णालयात प्राथमिक उपचार करण्यात आल्यानंतर गणेश याने शहर पोलिस स्टेशन गाठत तिघांविरूध्द तक्रार दाखल केली. यानंतर गणेश याला जिल्हा रूग्णालयात उपचारार्थ दाखल करण्यात आले.