शिंदखेडा येथे मराठा क्रांती मोर्चाच्या शिंदखेडा बंदच्या हाकेला व्यापारांच्या प्रतिसाद. 

मराठा समाज बांधवांवर झालेल्या अमानुष लाठीहल्ल्याचा निषेध, तहसील कार्यालयावर भव्य मोर्चा – 

शिंदखेडा (प्रतिनिधी) – जालना जिल्हयातील अंतरवाली सराटी येथे शांततेने आंदोलन करणाऱ्या मराठा समाज बांधवांवर करण्यात आलेल्या अमानुष लाठी आणण्याचा निषेध करण्यासाठी मराठा क्रांती मोर्चा व सकल मराठा समाज संघटनेच्या वतीने तहसील कार्यालयावर मराठा क्रांती मोर्चाचे अध्यक्ष अरुण देसले यांच्या नेतृत्वाखाली भव्य मोर्चा काढण्यात आला. मराठा क्रांती मोर्चा तर्फे शिंदखेडा बंदच्या आवाहनाला व्यापाऱ्यांनी उत्स्फूर्त प्रतिसाद दिला. यावेळी नायब तहसिलदार शारदा बागले यांना पदाधिकार्यांनी निवेदन दिले.

गेल्या काही दिवसांपूर्वी जालना जिल्हयातील अंतरवाली सराटी येथे मराठा समाजाचे आरक्षण मिळावे या मागणीसाठी शांततेने आंदोलन सुरु असताना पोलिसांनी अमानुषपणे लाठीहल्ला केला. त्यात शाळकरी मुलं, महिला, ज्येष्ठ नागरिक यांचा समावेश होता. आंदोलन करताना पोलिसांनी खोटे गुन्हे दाखल केले आहेत.त्या निषेधार्थ आज मराठा क्रांती मोर्चातर्फे मोर्चा काढण्यात आला. मुसळधार पावसात या मोर्चाला भगवा चौकापासून सुरुवात झाली. मोर्चात काय झेंडे दाखवत शासन विरोधी घोषणा देत निषेध करण्यात आला. शांततेच्या मार्गाने आंदोलन करणाऱ्या आंदोलनकर्त्यांवर पोलिसांनी अमानुषपणे लाठी हल्ला केला ही बाब निंदनीय आहे. यापुढे मराठा समाजावर असा अमानुष प्रकार झाल्यास त्याला माफी नाही. मराठा समाजाच्या आंदोलकांवर झालेले खोटे गुन्हे तात्काळ मागे घेण्यात यावे.मराठा समाजाला संपुर्ण पणे आरक्षण मिळावे.तसा अध्यादेश काढण्यात यावा. लाठीहल्ला करणाऱ्या दोषी पोलीसांना निलंबित करा. तसे न झाल्यास मराठा क्रांती मोर्चा व सकल मराठा समाज तिव्र जन आंदोलन करणार असल्याचा इशारा या निमित्ताने देण्यात आला. त्याचप्रमाणे मनोज जरांगे पाटील यांच्या आंदोलनास पाठिंबा दर्शवित अकरा दिवसापासुन सुरु असलेले अन्नत्याग आंदोलन शासनाने अटीशर्तीसह त्वरित सोडवावे. जालन्यात झालेल्या घटनेचा तीव्र निषेध करण्यासाठी मराठा क्रांती मोर्चा तर्फे शिंदेकडे शहर बंद ठेवण्याचे आवाहन करण्यात आले होते. त्यास व्यापारी, भाजीमंडई, सह सर्वच लहान मोठे व्यवसायिक दुकानदारांनी पाठिंबा दर्शवित मोर्चा मध्ये सहभागी झालेत. हयावेळी अरुण देसले, सर्जेराव पाटील, उल्हास देशमुख, स्वप्नील देसले, अमोल मराठे, संतोष देसले,विनायक पवार, संदीप पवार, राजेंद्र मराठे, ॲड. विनोद पाटिल, रवींद्र पाटील, नंदकिशोर पाटील, गणेश मराठे,रावसाहेब देसले, उमाकांत देसले, अजय मराठे, गोलु देसले, महेंद्र मराठे, चेतन अविनाश देसले, हुसेन भदाणे, अतुल पाटील, प्रदीप देसले, चेतन विश्वासराव देसले, हिमांशू पाटील, आयुश देसले,भुषण पवार, कार्तिक देसले, गुलाबराव पाटील, किरण महंत, बापु मिस्तरी, बाळा शिंदे, किशोर पवार, अनिल मराठे, अनिल कापुरे,प्रकाश देसले,गोविंद मराठे, अक्षय देसले, निलेश पाटील, सुनील गुरव उपस्थित होते.