शिरपूर तालुक्यासाठी नवीन 25 तलाठी सजे
शिरपूर । तालुक्यासाठी अनेक वर्षापासून प्रलंबित असलेला तलाठी सजा कार्यालयांचा प्रश्न निकाली लागला असून शिरपूर तालुक्यासाठी नव्याने 25 सजा कार्यालयांना शासनाने मंजुरी दिली आहे. यापूर्वी शिरपूर तालुक्यात 39 तलाठी सजा कार्यालय कार्यरत होते. आता नवीन निर्णयानुसार शिरपूर तालुक्यातील तलाठी सजा कार्यालयांची संख्या 64 करण्यात आलेली आहे. शासनाच्या या निर्णयाबद्दल मुख्यमंत्री देवेंद्रजी फडणवीस, महसूल मंत्री चंद्रकांत पाटील व जिल्हाधिकारी दिलीप पांढरपट्टे यांचे शिरपूर तालुका भारतीय जनता पक्षाच्यावतीने तालुकाध्यक्ष राहुल रंधे यांनी आभार व्यक्त केले आहेत.
या गावांचा समावेश
शासनाने 2010 साली नवीन तलाठी सजा कार्यालयांना मंजुरी देण्याचे प्रस्ताव सादर करणेबाबत सूचित केलेले होते. भाजपा तालुकाध्यक्ष राहुल रंधे यांनी पाठपुरावा करुन पर्यटन व रोहयो मंत्री जयकुमार रावल व खासदार डॉ. हिनाताई गावित यांच्या माध्यमातून हा विषय प्रशासकीय स्तरावर तात्काळ सोडविण्यासाठी प्रयत्न केले. त्यानुसार जिल्हाधिकारी यांनी 2 ऑगस्ट रोजी अधिसूचना जाहीर करून शिरपूर तालुक्यासाठी नवीन 25 तलाठी सजा कार्यालयांना मंजुरी दिल्याचे जाहीर केलेले आहे. शिरपूर खुर्द- बुद्रुक, वरवाडे, शिंगावे, गरताड, ताजपुरी, गरताड, कळमसरे व अजंदे खुर्द मिळून कळमसरे, अहिल्यापूर व तांडे अहिल्यापूर, होळनांथे, अजंदे, होळनांथे, भावेर, पिंपळे, भावेर, बभळाज, तरडी, बभळाज, अर्थे बुद्रुक, अर्थे खुर्द, तर्‍हाड-कसबे, जळोद, तर्‍हाड-कसबे, मुखेड, उखळवाडी मुखेड, फत्तेपूर, बोरपाणी, चाकडू, फत्तेपूर , मालकातर, गधडदेव, निमझरी, वरझडी, निमझरी, वकवाड झेंडे, अंजन, दुर्बळ्या, वकवाड, पळासनेर, हेंद्रा, पळासनेर, पनाखेड, खैरखुटी, हातेड, पनाखेड, सुळे चिलारे, फत्तेपूर, लाकड्या, सुळे, खामखेडा प्र.आ, हिगाव, हिवरखेडा, खामखेडा, आंबे बोरमळी, वडेल खुर्द, आंबे, भिलटदेव, जामन्यापाडा, धवळीविहीर, भिलटदेव, मोहिदा, शेमल्या, काकडमाळ, मोहिदा, वाडी बु, वाडी खुर्द, नांदर्डे, वासर्डी, नांदर्डे, थाळनेर, थाळनेर, न्यू बोराडी, टेंभेपाडा अशा 25 ठिकाणी स्वतंत्र तसेच संयुक्तरित्या तलाठी सजांना मंजुरी देण्यात आलेली आहे.