शिरसाड गावाजवळ वाळुची विनापरवाना वाहतुक करणाऱ्यांकडून महीला पर्यवेक्षकास विनयभंग करीत मारहाण व जिवे ठार मारण्याची धमकी

यावल ( प्रतिनिधी ) तालुक्यातील विनापरवाना वाळुची वाहतुक करणाऱ्यांची मुजोरी वाढली असुन महसुलच्या अधिकाऱ्यांवर हल्ला करण्याची ही तिसरी घटना असुन , वढोदे ता.यावल ते शिरसाड रस्त्यावर विनापरवाना वाळू वाहतुक करणाऱ्यांनी पर्यवेक्षक म्हणुन नेमणुकीस असलेल्या महिला मंडळ अधिकारी बबीता चौधरी यांना कर्तव्यावर असतांना धक्काबुकी व शिवीगाळ करून जिवे ठार मारण्याची धमकी पोलीसात त्या अज्ञात वाळु वाहतुक करणाऱ्यांविरूद्ध गुन्हा दाखल करण्यात आला आहे. यासंदर्भात पोलिस सुत्रांकडून मिळालेली माहीती अशी की, बामणोद तालुका यावल येथे बबीता सुधाकर चौधरी या मंडळ अधिकारी म्हणुन कार्यरत असुन , दिनांक ३१ ऑगस्ट रोजी त्यांचेकडे महसुल प्रशासनाच्या वतीने थोरगव्हाण तालुका यावल करीता पर्यवेक्षक म्हणुन नेमणुक करण्यात आली असुन . आज दिनांक ३१ ऑगस्ट गुरूवार रोजी दुपारी १२ , १५ वाजेच्या सुमारास पर्यवेक्षक बबीता चौधरी या आपल्या कडील खाजगी वाहनाने थोरगव्हाण कडे जात असतांना वढोदे प्रगणे यावल ते शिरसाड या रस्त्यावर वढोदे गावाजवळ विना क्रमांकाचे निळ्या रंगाचे स्वराज कंपनीचे ट्रॅक्टर वाळु वाहतुक करीत असतांना आढळुन आले ,संबधीत ट्रॅक्टर चालकाकडे बबीता चौधरी यांनी वाळु वाहतुकीचा परवाना मागीतले असता परवाना नसल्याचे सांगुन थोरगव्हाण च्या पर्यवेक्षक आणी बामणोदच्या महिला मंडळ अधिकारी असलेल्या सौ बबीता सुधाकर चौधरी यांच्याशी ट्रॅक्टरचालक निलेश समाधान सोनवणे हुज्जत घातली व धक्काबुकी करीत विनयभंग करून शिविगाळ करीत जिवे ठार मारण्याची धमकी दिली व शासकीय कामात अडथळा निर्माण केला . दरम्यान संबधित ट्रॅक्टर वाहन चालकाने घटनास्थळा वरून ट्रॅक्टर निलेस सोनवणे राहणार थोरगव्हाण तालुका यावल व त्याच्या सोबत असलेल्या एका अनोळखी इसमाने पळवुन नेले, मंडळ अधिकारी बबीता चौधरी यांनी यावल पोलीस ठाण्यात खबर दिल्याने विविध कलामान्वये गुन्हा दाखल करण्यात आला आहे .