शिरसोलीत भरधाव अॅपेच्या धडकेने महिला गंभीर जखमी
जळगाव : तालुक्यातील शिरसोली येथील बसस्थानकासमोरून पायी जाणार्या दोन महिलांना भरधाव वेगातील अॅपे रीक्षाने धडक दिल्याने दोन्ही महिला गंभीर जखमी झाल्या. बुधवार, 8 रोजी दुपारी चार वाजता ही घटना घडली. या प्रकरणी अॅपे रीक्षा चालकाविरोधात गुन्हा दाखल करण्यात आला.
अॅपे चालकाविरोधात गुन्हा
जळगाव तालुक्यातील शिरसोली येथील बसस्थानकाजवळ बुधवार, 8 जून रोजी दुपारी चार वाजेच्या सुमारास भरधाव वेगाने जाणारी अॅपे रीक्षा क्रमांक (एम.एच.19 सी.वी.4716) ने पायी जाणार्या रंजना राजू धनगर (40) आणि चंद्राबाई रमेश बारेला (दोन्ही रा.भवानी नगर, नशिराबाद) यांना जोरदार धडक दिल्याने दोन्ही महिला जखमी झाल्या. दोघांवर जिल्हा शासकीय वैद्यकीय महाविद्यालयात उपचार करण्यात आले. या प्रकरणी रंजना धनगर यांच्या फिर्यादीवरून गुरूवार, 9 जून रोजी सायंकाळी साडेपाच वाजता अॅपे रीक्षा चालक योगेश राजेश रायचंदे (शिरसोली) याच्या विरोधात एमआयडीसी पोलीस ठाण्यात गुन्हा दाखल करण्यात आला.