शिरसोली येथील विवाहितेची राहत्या घरात गळफास

जळगाव । शिरसोली येथील 28 वर्षीय विवाहितेने राहत्या घरात गळफास घेवून आत्महत्या केल्याचे सकाळी 11 वाजेच्या सुमारास उघडकीस आले असून एमआयडीसी पोलीसात आकस्मात मृत्यूची नोंद करण्यात आली आहे. याबाबत माहिती अशी की, सोनल विलास माळी (वय-28) रा. शिरसोली प्र.न. यांनी राहत्या घरात कोणीही नसतांना छताला गळफास घेतल्याची घटना सकाळी 11 वाजेपुर्वी झाली. त्याचे पती विलास माळी हे जैन इरिगेशनला नोकरीस आहे. त्यांच्या पश्‍चात दोन मुले, पती असा परीवार आहे. आत्महत्येचे कारण अद्याप स्पष्ट झाले नाही. विवाहितेचे माहेरचे मंडळी आल्याशिवाय मृतदेहाचे शवविच्छेदन करण्यात येणार नाही, अशी माहिती एमआयडीसीचे सहाय्यक पोलीस निरीक्षक समाधान पाटील यांनी सांगितले.