पिंपरी :– शिवतेजनगर चिंचवड येथील श्री स्वामी समर्थ सेवा प्रतिष्ठान व भाग्यश्री चॅरिटेबल ट्रस्ट यांच्या संयुक्त विद्यमाने श्री स्वामी समर्थ मंदिरामध्ये जेष्ठांसाठी मोफत शारीरिक तपासणी व व्यायाम शिबीराचे उद्घाटन संपन्न झाले. सोमवार, बुधवार आणि शुक्रवार या दिवशी संध्याकाळी 5 ते 6 या वेळेत 50 वर्षाच्या पुढील नागरिकांना सतावणारे, मानदुखी, कंबरदुखी, स्नायू आखडणे, तोल जाणे, इत्यादी शारीरिक व्याधीवर वेगवेगळ्या प्रकारचे व्यायाम करून घेण्यात येणार आहेत. आज या शिबिराचे उद्घाटन करण्यात आले. या प्रसंगी श्री स्वामी समर्थ सेवा प्रतिष्ठानचे अध्यक्ष माजी नगरसेवक नारायण बहिरवाडे, भाग्यश्री चॅरीटेबल ट्रस्टच्या डॉ. स्वाती भिसे, ज्येष्ठ नागरिक संघांचे खजिनदार प्रकाश शिंदे, श्री स्वामी समर्थ महिला मंडळाच्या अध्यक्षा अर्चना तोंडकर, अंजली देव, अक्षदा देशपांडे, गाडे मावशी, पवार बाबा, श्रारण अवसेकर, इत्यादी उपस्थित होते. या कार्यक्रमाचे सारिका रिकामे यांनी सूत्रसंचालन केले.
