शिवसेनेच्या चार तोफा प्रचारात धडाडणार

मुंबई । युतीचे भिजत घोंगडे आहे.यावर अजुन काहीच निर्णय झालेला नसला तरी महानगर पालिका व जिल्हापरिषद निवडणुकांचे वारे वाहू लागले आहे. प्रचाराची धुराळे उडत आहे. दोन्ही पक्ष स्वबळावर लढण्याचा नारा देत आहे. सेनेने कानाकोपर्‍यात पोहचविण्याची तयारी केली आहे.याची सेनेच्या महत्वाच्या चार नेत्यावर प्रचाराची जबाबदारी टाकली आहे.यात सर्वात आघाडीवर पर्यायवरण मंत्री रामदास कदम, उद्योगमंत्री सुभाष देसाई, टि.व्ही सिरियलचे अभिनेते, शिवसेना नेते डॉ.अमोल कोल्हे व शिवव्याख्याते नितीन बानगुडे पाटील यांच्या खांद्यावर जबाबदारी टाकण्यात आली आहे.

कदम, सुभाष देसाई, अमोल कोल्हे, नितीन पाटील मैदानात
महानगरपालिका आणि जिल्हा परिषद निवडणुकीत शिवसेनेने प्रचारासाठी उतरवले आहेत. राज्य मंत्रिमंडळात पर्यावरण मंत्री असलेले कदम आपल्या आक्रमक स्वभावामुळे ओळखले जातात. तळागाळातील कट्टर शिवसैनिक व ठाकरे कुटूंबाचे निष्ठावंत आहे.‘रामदासभाई’ अशी महाराष्ट्राच्या राजकीय वर्तुळात ओळख अससलेले रामदास कदम हे शिवसेनेविरोधात बोलणार्‍यांना नेहमीच धारेवर धरत आले आहेत.तर राज्य मंत्रिमंडळात उद्योग मंत्रालयाची जबाबदारी सांभाळणारे कॅबिनेट मंत्री सुभाष देसाई हे शिवसेनेतील ज्येष्ठ नेते आहेत.मतिभाषी आणि अत्यंत मृदू स्वभाव सुभाष देसाई शिवेसेनेची कोणतीही भूमिका अत्यंत शांतपणे मांडत असतात. तसेच डॉक्टर, अभिनेता आणि आता राजकीय नेते, असा प्रवास असणारे डॉ. अमोल कोल्हे यांनी शिवसेनेत बर्‍यापैकी महत्त्वाचं स्थान निर्माण केले आहे. छत्रपती शिवाजी महाराजांवरील मालिकेत शिवरायांच्या भूमिकेने ओळख आहे. शिवाय, डॉ. कोल्हे यांची मुद्देसूद आणि स्पष्ट वक्तृत्व शैलीही शिवसेनेच्या प्रचारासाठी महत्त्वाची ठरू शकते.व शिवव्याख्याते नितीन बानगुडे पाटील – जगातील सर्वात लहान वयाचा महानाट्यकार अशी ओळख असलेले शिवव्याख्याते नितीन बानगुडे पाटील शिवसेनेच्या प्रचारात महत्वाची भूमिका बजावणार आहेत. विधानसभा निवडणुकीआधी त्यांनी शिवसेनेत प्रवेश केला होता आणि आता ते सातारा जिल्ह्याचे संपर्कप्रमुख आहेत. आपल्या धारदार शब्दांनी श्रोत्यांवर अधिराज्य गाजवणार्‍या नितीन बानगुडे यांचा प्रचारादरम्यान फायदा होईल,